ملتقى الكلمة والقلم
مرحبا بكم في ملتقى الكلمة والقلم يسعدنا ان تكون واحد من أهل الملتقى بالتسجيل هنا

انضم إلى المنتدى ، فالأمر سريع وسهل

ملتقى الكلمة والقلم
مرحبا بكم في ملتقى الكلمة والقلم يسعدنا ان تكون واحد من أهل الملتقى بالتسجيل هنا
ملتقى الكلمة والقلم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» (كل عمل لا يقصد به وجه الله فهو باطل ) .
فــؤاد حداد..... ابو الادبا I_icon_minitimeالأحد أكتوبر 16, 2016 1:37 pm من طرف مصطفي غريب

» بين المرأة و الشمعة أكثر من حكاية وقصيدة
فــؤاد حداد..... ابو الادبا I_icon_minitimeالأحد أكتوبر 16, 2016 1:29 pm من طرف مصطفي غريب

» الشمعة أم وزوجه !!
فــؤاد حداد..... ابو الادبا I_icon_minitimeالأحد أكتوبر 16, 2016 1:25 pm من طرف مصطفي غريب

» خواطر للمحبين والعاشقين !!
فــؤاد حداد..... ابو الادبا I_icon_minitimeالأحد أكتوبر 16, 2016 1:22 pm من طرف مصطفي غريب

» القلوب ثلاثة اقسام :- 1 - قلب سليم 2 – قلب مريض 3 – قلب ميت
فــؤاد حداد..... ابو الادبا I_icon_minitimeالخميس أكتوبر 13, 2016 10:23 am من طرف مصطفي غريب

» ها هو الحب العشقي ؟ ولم نجده في زماننا هذا ؟؟؟؟؟؟؟؟؟
فــؤاد حداد..... ابو الادبا I_icon_minitimeالخميس أكتوبر 13, 2016 10:14 am من طرف مصطفي غريب

» هل الحب في حاضرنا هذا اخذ معناه الحقيقي ؟؟؟؟؟؟؟؟؟ ( 2 )
فــؤاد حداد..... ابو الادبا I_icon_minitimeالخميس أكتوبر 13, 2016 10:08 am من طرف مصطفي غريب

» بالحب تحيا القلوب :
فــؤاد حداد..... ابو الادبا I_icon_minitimeالخميس أكتوبر 13, 2016 9:57 am من طرف مصطفي غريب

» هل الحب في حاضرنا هذا اخذ معناه الحقيقي ؟؟؟؟؟؟؟؟؟؟؟؟؟ ( 1 )
فــؤاد حداد..... ابو الادبا I_icon_minitimeالأربعاء أكتوبر 12, 2016 11:27 am من طرف مصطفي غريب

» فلتكن شمعة تضيء الطريق للاخرين
فــؤاد حداد..... ابو الادبا I_icon_minitimeالأربعاء أكتوبر 12, 2016 11:19 am من طرف مصطفي غريب

التبادل الاعلاني
احداث منتدى مجاني

فــؤاد حداد..... ابو الادبا

5 مشترك

اذهب الى الأسفل

فــؤاد حداد..... ابو الادبا Empty فــؤاد حداد..... ابو الادبا

مُساهمة من طرف طارق المجرى الإثنين نوفمبر 01, 2010 10:00 am

أنا الأديب وأبو الأدبا ... فــؤاد حداد..... ابو الادبا 3

وشعري مفرود الرقبة
زي الألف ...
ورقم واحد ...


أشعر شعراء العامية على الإطلاق
هو فؤاد حداد ...

قامة فارهة في الشعر العامي … تعلم الكل منه …
هو فؤاد حداد ...

أول شاعر طبع ديوانا بالعامية المصرية عام 1947

أدهش الكبار - اكبر الكبار - بيرم ... رامي … جاهين ... الأبنودي … حجاب ... نجم ... عبد الباقي….

يقول عنه بيرم التونسي : لا احد أشعر من فؤاد حداد

يقول صلاح جاهين : أنا تلميذ فؤاد حداد

هذا الشاعر الذي هاجم أنظمة الحكم الديكتاتورية ودفع ثمن ذلك في ظلام السجن سنينا عدة

... هو فؤاد حداد


" فؤاد حداد اختار كل حاجة،
كُتب عليه أن يختار كل أموره يعني إحنا في حاجات ولدنا بها وما فكرناش فيها كثير ومستمرة
هو كتب عليه أن يفكر في كل الأمور ويغير كل الأمور،
يعني اختار الوطن
واختار الدين
واختار الانتماء للطبقات الشعبية وهو ابن عائلة طبقة وسطى مترفة،
كانت عائلة كبيرة لأن والده كان أستاذ جامعي
وكان ماسك محاسبة البنك الأهلي كله فما كنش يتصور
إن هو هيطلع من هذا البيت هذا الشيوعي
وعلى فكرة فؤاد حداد كان بيحب يقول أنا شيوعي ... مسلم ويصلي وكل حاجة
لكن أنا شيوعي ما فيهاش هزار ويزعل جدا لو حد قال حضرتك يساري لا، لا أنا شيوعي
فاختار الانتماء للطبقات الشعبية اختيار لم يعد عنه إطلاقا
حتى إذا العائلة زعلت إذا غير و أصبح مسلم وهو كان مسيحيا وأصبح مسلما،
انتماءه للطبقات الشعبية حتى وهو بيمدح الرسول عليه الصلاة والسلام
كان بيقول
يا جموع الفقراء
يمموا غار حراء
سيرى هذا التراب
بعيون لا تراب
عسجديا مسجديا
طأطأت فيه الحراب
يعني كان يحب في الدين أن الدين إنصاف الفقراء
وكان يحب الماركسية أنها إنصاف للفقراء
وكان يحب في الإنسانية أنها إنصاف للفقراء
لم يكن يعرف إلا الشعر وإنصاف الفقراء."
طارق المجرى
طارق المجرى
عضوية ذهبية
عضوية ذهبية

عدد المساهمات : 335
نقاط : 598
السٌّمعَة : 0
تاريخ التسجيل : 20/07/2010

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف طارق المجرى الإثنين نوفمبر 01, 2010 10:02 am

واحد من اتنين ما يعجبوش العجب

كلامى فى إن الفاضى
قبل المعاش يعمل قاضى
يقعد على القهوه قصادى
يُطلُب عجمى
و يقول عجبى
أنا بالعربى
كدا مش راضى
مش راضى عن أيها حاجه
أيها حاجه
لا التربيه ولا التوعيه
و لا أغنيه عن الزراعيه
و لا بنت تركب دراجه
و لا الشئون الاجتماعيه
تصرف اعانه لمحتاجه
و لا طابور الجمعيه
و لا السمك فى التلاجه
و أقول له نهضه صناعيه
يقول لى ايه يعنى يعنى
سمعنى صوتك سمعنى
يُطلُب عجمى
و يقول عجبى
أنا بالعربى
كدا مش راضى
والسد علاّه البَانى
بيعجبك – لأ يا إبنى
مخدته مش عجبانى
و لا الستاره بتعجبنى
ما فيش و لا حاجه بترضيه
لا قولة الشعب العامل
و لا نزع ملكية اراضيه
بكل ذوق و أدب كامل
المستفيد المتحامل
ما يعجبوش كل الذى فات
ما يعجبوش كل الذى جي
ما يعجبوش سوبر فوسفات
و لا الهرم بالصوت و الضي
و بس قادر يستحمل
يفضل يعيش فى بلد تهمل
المسرح الاستعراضى
يُطلُب عجمى
و يقول عجبى
أنا بالعربى
كدا مش راضى
لا مينى عاجبه و لا ماكسي
و لا التروللى و لا التاكسي
إن قلت لأ يقول ايوه
طلبت شاي يطلب قهوه
شمال يمين على طول عكسي
ان قلت له مثلاً مثلاً
الدنيا حر – بقى لى زمان
يقول نجيب الدفايه
و ان قلت له مثلا مثلا
- ما اشبعش من صوت الكروان
و اقول لثومه اعد و كمان
اقفل لنا الراديو كفايه
-الحق واضح – لأ غلطان
يا ابنى دا كله خفايا
-الشعب ضدك و هو الآن
- الشعب سُذج و حَفايا
-ما تتحمقش جتك غليان
باين على وشك زعلان
-اللى انت شايفه دا قفايا
اِلْزَقْ عليه آخر اعلان
عن اللى عايش فى الماضى
يُطلُب عجمى
و يقول عجبى
أنا بالعربى
كدا مش راضى


عدل سابقا من قبل طارق المجرى في الإثنين نوفمبر 01, 2010 10:06 am عدل 1 مرات
طارق المجرى
طارق المجرى
عضوية ذهبية
عضوية ذهبية

عدد المساهمات : 335
نقاط : 598
السٌّمعَة : 0
تاريخ التسجيل : 20/07/2010

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف طارق المجرى الإثنين نوفمبر 01, 2010 10:05 am

علَى باب الله
فنان فقير على باب الله
الجيب ما فيهشي و لا سحتوت
و العمر فايت بيقول آه
و القطر فايت بيقول توت

صحيتني ليه يا شويش يا شويش
لمّا بانام باحلم و باعيش
لما بافوق ما بافوقشي بموت

و تقول علىّ كبير السن
و انا فى قلبي ولد كتكوت
و الدنيا لسه بنت بنوت
اشمعنى قلبي ضناه الشيب ؟


من الشقا مَهْري و منكوت
قال اللي قال العيب فى الجيب
و الجيب ما فيهشي ولا سحتوت

فنان فقير على باب الله
الجيب ما فيهشي و لا سحتوت
و العمر فايت بيقول آه
و القطر فايت بيقول توت

طارق المجرى
طارق المجرى
عضوية ذهبية
عضوية ذهبية

عدد المساهمات : 335
نقاط : 598
السٌّمعَة : 0
تاريخ التسجيل : 20/07/2010

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف طارق المجرى الإثنين نوفمبر 01, 2010 10:11 am

سيد درويش

مين اللى فنان بحق
سر الصبا و الحنين
قلب الزمان اللى دق
ريشه فى ايده اليمين
مين الاشد الارق
على المحبه أمين
شعاع من الفجر شق
يكافىء السهرانين
و كان فى نية بلدنا من سنين و سنين
و أمل فى حضن السما و عرق بيسقى الطين
و هلال مع الطير يوالى الخير على الفدادين
و البحر حط المراكب بالحنان الواجب
ع المينا يا اسكندريه كان بيقصد مين
الموج بيضرب بيضرب
الايام تقرب تقرب
اَسمع (( بلادى بلادى...
تعرف قلوب مصر ماشيه العصر و السكه
و الشمس نازله تُغْرُب
الشمس طالعه تنادى
على بيت فى كوم الدكه
نفرش تلات عتبات
و نفرّق الشربات
تطلع معاك الضحكه
زغروطه من الف جيل
آه يا المعلم بحر
صَبَح صباحنا جميل
صبح أمالنا نبات
قادر يشق الصخر
من كتر شوق النيل
قادر يلاغى الزهر
من طاقه المواويل
و من اكتمال الصبر
طافت عليه و يطوف
على البلاد من حوارى و من زقق وعطوف
يخطر فى باله النغم يلاقى النغم مقطوف

الله يشاء تجتمع فى مهجته العشاق
وارث فوارس وعتاله و مراكبيه
سِيد الرجال على مينا شرقيه
عرب المشايخ و الصنايعيه
كانت حياته جلاله و هديه
و كان ياسين بير يا بهيه
ما تصدقيش غيره يقولك لأ
ما تصدقيش غير اللى فنان بحق
أسمر و جيه اللون
و فيه شبه من اربعين مليون
و فى ايده حنه و مسطرين و سلاح
كان مصرى كامل و كان عامل و كان فلاّح
و كان سيد وكان درويش
و كان واحد وكان الكل



طارق المجرى
طارق المجرى
عضوية ذهبية
عضوية ذهبية

عدد المساهمات : 335
نقاط : 598
السٌّمعَة : 0
تاريخ التسجيل : 20/07/2010

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف قمرالزمان الإثنين نوفمبر 01, 2010 4:59 pm


فؤاد سليم حداد
...............................................................

فؤاد سليم حداد 28 أكتوبر 1928 - 1 نوفمبر 1985
فــؤاد حداد..... ابو الادبا Hadad

فؤاد حداد
حداد شاعر يصعب تعريفه باقتضاب ففي خصائصه الأولية الأساسية صفات تبدو متناقضة متنافرة فهو مسيحي وهو مسلم وهو عروبي قومي وشيوعي
وهو شامي ومصري، هذا التنافر بل هذا التعقيد ينفرد أمامنا ويسهل فهمه بالنظر إلى سيرته وإلى شعره.

أنا مصري من أصل شامي لا يغتفر احتشامي
حينطلق من حيشاني صوت الجموع المفرد
أنا مصري من أصل شامي لكني لم استورد
ولا أباع إلا بالعملة المحلية


أسرة حداد متحدرة من لبنان أسرة مسيحية بروتستانتية من قرية عربيه في جبل الشوف، أبوه سليم حداد أستاذ اقتصاد بارز وفد إلى مصر قبيل الحرب العالمية الأولى ليعمل مدرسا في كلية التجارة ونال رتبة البكاوية ومازالت كتبه وجداوله تدرس باسمه.

أبويا سليم ندى عينيا معلمني
ما فيش أجمل من الميه
ولا عمارة بعشر أدوار
وأنا معلم كمان أبني
يا ميت بوسة على التعليم
وميت بوسة على الفله
وأنا بأشرب من القله
وكان وشه قمر نوار
يا ميت بوسة لأبويا سليم


الحقيقة طبعاً هما دخلوهم مدارس أجنبية وكان البيت الأم بتتكلم فرنساوي طول الوقت كده زي العائلات الشامية والأب كان متعصب للغة العربية ومتعصب للعرب وكان يعني القرآن شغال في البيت طول الوقت، لما دخلوا المدرسة الفرنسية مدرسة الفرير كان ممنوع أن الأولاد يتكلموا بالعربي داخل المدرسة ولكن فؤاد حداد كان متمردا في البداية وكان رافض يتكلم بالفرنساوي مع أنه كان متفوق في اللغة الفرنسية ومتفوق جدا في الرياضيات، الوالد لأن هو بيحب اللغة العربية ومتعصب للعرب كان عاوزهم يبقى خطهم حلو وبيقول لي المدرس الوحيد اللي دخل بيتنا هو مدرس الخط العربي وكان خطه فعلا جميل كده زي سلاسل الذهب زي ما بيقولوا.

أمه من أسرة سورية كاثوليكية وفدت على مصر في النصف الثاني من القرن التاسع عشر، يبدو أن قاهرة الخديوي إسماعيل ومن بعده كانت نقطة جذب للمسيحيين العرب ربما للمسافة التي اتخذتها بعيدا عن الخلافة العثمانية ونظرا للنفوذ الأوروبي المتزايد فيها، أمران نتج عنهما بيئة أكثر تسامحا تسامح يبلغ المحاباة أحيانا تجاه الجاليات المسيحية الوافدة وقد أثرى هؤلاء الحياة الفكرية والفنية في مصر.

مش حملتيني تسع أشهر ضنا
وحملتيني تسع أشهر أمال
احمليني وأنا في العشرين سنة
وخطوط الدم من صدري طوال

طارق المجرى

تقبل تواجدى بمتصفحك

ومشاركتى لشخصية العظيم

فؤاد حداد

لك اكاليل الورد

وباقات الجورى

تحياتى
قمرالزمان
قمرالزمان
موقوف
موقوف

عدد المساهمات : 1079
نقاط : 1632
السٌّمعَة : 12
تاريخ التسجيل : 10/03/2010
الموقع : ملتقى الكلمة والقلم
المزاج سعيد

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف مايا محمد السبت نوفمبر 06, 2010 7:59 am

شكرا

استاذ طارق المجرى

دت بود

مايا محمد
عضو مجتهد
عضو مجتهد

عدد المساهمات : 30
نقاط : 40
السٌّمعَة : 0
تاريخ التسجيل : 28/09/2010
الموقع : عضو
المزاج مبسوطه

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف عطاء الأحد نوفمبر 14, 2010 8:16 pm

أستاذ طارق
عمنا فؤاد حداد يستحق صفحات و صفحات و كل الملتقيات
تحياتى للموضوع الجيد و الأنتقاء الواعى لأحد قمم الزجل فى مصر بل و العالم ..
أرجو من الملتقى تخصيص مكان و مساحة للكتب لنضيف أعمال عم فؤاد حداد و غيره من رواد الأدب و أصحاب عم فؤاد بالطاقية الشقيه
اصله قال :
" أنا عندى طاقية
طاقية شقية
من شقاوتها
بقت طرطور
طار طور "

عطاء
مراقب ملتقى
مراقب ملتقى

عدد المساهمات : 45
نقاط : 96
السٌّمعَة : 1
تاريخ التسجيل : 23/10/2010
العمر : 59
الموقع : https://www.facebook.com/FathySaid
المزاج !

https://www.facebook.com/FathySaid

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف طارق المجرى الأربعاء نوفمبر 17, 2010 5:54 am

شق الكيعان

شوف اللي ماشي متشعبط
قال دا اللي ماشي مش أعبط

راكب يقول أما حكايه
و قصه لسه بلا نهايه
الكمساري دا اللي معايا
سمحت له يتريق لي
قام حَط عقله في عقلي
و قلت رأيي و قال رأيه
و اصواتنا عليت في الراديو
مين اللي فينا بدأ يغلط

شوف اللي ماشي متشعبط
قال دا اللي ماشي مش أعبط

الكمساري قال يا اسيادي
و طبعي و ياكم هادي
أما الصغير زي ولادي
أما الكبير أهو دا عمِّي
دمه إن غلي ما غليش دمي
أما اللي جِيلي من جيله
أول ما يزعل أنا اجي له
و اناوله ضحكه و ادي له
من الكلام اللي يِهَبَّط

شوف اللي ماشي متشعبط
قال دا اللي ماشي مش أعبط

من بعد ما طلع الطلعه
و شايل اقفاصه مرابعه
و معاه عيال آخر طبعه
سأل سؤال و جاته اللوعه
لطم و قال يادي الواقعه
بَقى دا تمانيه مش سابعه
بقى يعني مش رايح القلعه
أتاري ودني ماهيش سامعه
ودماغي في السقف بتخْبَط

شوف اللي ماشي متشعبط
قال دا اللي ماشي مش أعبط

الكمساري قال آه ياني
أزعق بصوتي الحيّاني
و أشق فيكم بكيعاني
وعيني تمشي مع وداني
وليه بقى يا أخواني
فيه ناس هنا مش سامعاني
و ناس كمان مش شايفاني
لازم أنا واحد تاني
و ناسي نفسي و متلخبط

شوف اللي ماشي متشعبط
قال دا اللي ماشي مش أعبط

شكرا قمر الزمان
على الاضافه

مرورك اسعدنى

دمتى بخير



طارق المجرى
طارق المجرى
عضوية ذهبية
عضوية ذهبية

عدد المساهمات : 335
نقاط : 598
السٌّمعَة : 0
تاريخ التسجيل : 20/07/2010

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف بسمة وزهرة الأربعاء نوفمبر 17, 2010 11:57 am

استمتعت جدا بمرورى من هنا
سيرة رائعهكنت اجهلها

شكرا لكما

استاذ طارق
والاستاذة قمر

تحياتى

بسمة وزهرة
عضوية ذهبية
عضوية ذهبية

الأوسمة فــؤاد حداد..... ابو الادبا 071310170733juwjib36wj
عدد المساهمات : 1616
نقاط : 2407
السٌّمعَة : 0
تاريخ التسجيل : 17/03/2010
الموقع : الجيزة
المزاج فرحانة بالملتقى وناسه

الرجوع الى أعلى الصفحة اذهب الى الأسفل

فــؤاد حداد..... ابو الادبا Empty رد: فــؤاد حداد..... ابو الادبا

مُساهمة من طرف طارق المجرى الأحد نوفمبر 21, 2010 6:30 am

يا ابْن عم الحقّ يا إِبن ..
يا مَيّه من تحت تبن ..
**
الأصيله بنت الأصول
قالت ابن عمك صعب و انت سَلِسْ
ابن عمك غلس و انت شربات
و الواسطه بين الفصول
قالت ابن عمك صعب و انت سَلِسْ
و عينى عينك قال بتختلس من شفّتك قُبله

و الشابه اللى اسمها وصول
قالت ابن عمك صعب وانت سَلِسْ
و عايزه تأتنس !
... كلهم بيحبوك
**
سخسخ من الضحك و قول لابن عمك : شُفت
قول لابن عمك :
عنّك ..
يا حق يا اكتع يا اللي ما بتفهمش في الكُفْت

ـ أراجوز يا أراجوز
بدل ما تغنّى و تدردش
و ترص الكلام و تدندش
و بدل ما تفكّر
و بدل ما تفقّر و تدّروش
ليه يا يا ابن عم الحق ما يندقش ؟
و لو حَبَّه
ما يندبش ؟ ..
و لو دبّه
ـ دبيت مِيِتْ ألف دَبَّه
دبيته بالنبوت و بالمرزبّه
لو كان حديد أو صُلب كان ادّشْدِش

لكن ميَّه من تحت تبن !


شكرا مرورك الاخت الفاضله

بسمه و زهــــره


طارق المجرى
طارق المجرى
عضوية ذهبية
عضوية ذهبية

عدد المساهمات : 335
نقاط : 598
السٌّمعَة : 0
تاريخ التسجيل : 20/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى