نفسي أطير/نجلاء نصير

نفسي أطير/نجلاء نصير
*********
نفسي أغني لكن صوتي
صداه مبحوح
نفسي أطير لكن
جناحي واحد جريح
والتاني مكسور
عايز أعيش من غيرخداع
أو خوف
عاوز شعاع الحقيقة يحرق
غيطان الزيف
اللي بذرتها تترمي في الأرض
تطرح ألوف وألوف
شايف أصادي بهية بتتسرق
أيامها من تاني
بعد ماحنت ايديها سرقوا
الفرح من تاني

قالت
كل م أجي أفرح
بتزيدواأحزاني
أنا اللي دموعي بطول
نهر النيل
أنا اللي غناي اتبدل بعويل
وكل ماأستنى شمسي
ألاقي ليلي طويل
كنت بقول للصبر
اصبرعلى عتريس
بكره ظلمه يزول
شاهدة عل بيحصل
إيشي كذب على تخريف
م الل بيخرب كان في
مدرسته بيقول بلادي
واللي باعني
كان بيقول

لك حبي وفؤادي
بالذمة مش
مكسوفين تقولوا إنكم ولادي!