ملتقى الكلمة والقلم
مرحبا بكم في ملتقى الكلمة والقلم يسعدنا ان تكون واحد من أهل الملتقى بالتسجيل هنا
بحـث
 
 

نتائج البحث
 


Rechercher بحث متقدم

المواضيع الأخيرة
» (كل عمل لا يقصد به وجه الله فهو باطل ) .
الأحد أكتوبر 16, 2016 1:37 pm من طرف مصطفي غريب

» بين المرأة و الشمعة أكثر من حكاية وقصيدة
الأحد أكتوبر 16, 2016 1:29 pm من طرف مصطفي غريب

» الشمعة أم وزوجه !!
الأحد أكتوبر 16, 2016 1:25 pm من طرف مصطفي غريب

» خواطر للمحبين والعاشقين !!
الأحد أكتوبر 16, 2016 1:22 pm من طرف مصطفي غريب

» القلوب ثلاثة اقسام :- 1 - قلب سليم 2 – قلب مريض 3 – قلب ميت
الخميس أكتوبر 13, 2016 10:23 am من طرف مصطفي غريب

» ها هو الحب العشقي ؟ ولم نجده في زماننا هذا ؟؟؟؟؟؟؟؟؟
الخميس أكتوبر 13, 2016 10:14 am من طرف مصطفي غريب

» هل الحب في حاضرنا هذا اخذ معناه الحقيقي ؟؟؟؟؟؟؟؟؟ ( 2 )
الخميس أكتوبر 13, 2016 10:08 am من طرف مصطفي غريب

» بالحب تحيا القلوب :
الخميس أكتوبر 13, 2016 9:57 am من طرف مصطفي غريب

» هل الحب في حاضرنا هذا اخذ معناه الحقيقي ؟؟؟؟؟؟؟؟؟؟؟؟؟ ( 1 )
الأربعاء أكتوبر 12, 2016 11:27 am من طرف مصطفي غريب

» فلتكن شمعة تضيء الطريق للاخرين
الأربعاء أكتوبر 12, 2016 11:19 am من طرف مصطفي غريب

التبادل الاعلاني
احداث منتدى مجاني

تاج إبليس

اذهب الى الأسفل

تاج إبليس

مُساهمة من طرف سيد عبيد في الأربعاء يوليو 28, 2010 9:43 am

تاج إبليس

الشخصيات
- شيطان سمين عمره........................... 25 عاما ً.
- شيطان رفيع عمره ............................ 27 عاماً.
- إبليس الأكبر مجهول العمر ولكن يظهر عليه الأكبر .
- شيطان من الحضور بهمه ..................... عمره 30 عاماً
- أب وآولاده............................................
- الأب عمره .................................40 عاماً
- الزوجه عمرها..............................35 عاماً
- آمنه عمرها ............................13 عاماً
- علي عمره ................................7 أعوام
- المشهد الأول:
قبل بدء المشهد صوت شخص يتلو آيات من القرآن بصوت جميل ومؤثر هذا الصوت قادم من خارج المسرح الآيات(وَقَالَ الشّيطانُ لمّا قضُيَ الأمرُ إنّ اللهَ وَعَدَكُم وَعَدَ الحق وَوَعَدتُّكُم فَأخلفتُكَم وَمَاكَاَنَ لَِىَ عَلَيكُم مّن سُلطانٍ إلاّ أنَ دَعوتُكُم فاستجَبتم لِي فَلاَ تَلُومُونِي ولُومُوا أنفُسكُم مّا أنا بمُصرخِكُم ومَاأنتم بمُصرخِيّ إنّيِ كَفَرتُ بمًا أشركتُمُونِ من قَبل إنّ الظّالمينَ لهُم عَذابُ أليم)
( المنظر الوقت ليلاً في ظلام دامس وظاهر على المسرح وادي في صحراء تحته شجرة يجلس تحتها أثنين من الشياطين يتحدثان مع بعضهم والضوء مسلط عليهم )
الشيطان السمين: ( هو ممتلىء الجسم منتفخ الكرش أحمر الخدين واضحة عليه السعادة يقول للشيطان الرفيع ) مالك كدا يا واكل أهلك معصعص هو أنتا مش بتاكل وللاْ ايه ؟ ....... وللا عندك جفاف وللا جالك مرض اللأنميه
الشيطان الرفيّع: ( يتكلم بغضب وبأسىء ) أصلي أنا مش بلحق آكل لأني مسئؤل عن أسره تذكر ربنا كتير ولما يحضروا الأكل على السفره الراجل يبدأ يذكر آولاده الذكر ع الأكل ويخلي ابنه يقول الدعاء ويرددوا وراه فمقدرش أمد ايدي وع الحال دا كل يوم ياسي سمين.
الشيطان السمين: ( يضحك بصوت عالي ها ها ها هاي لدرجة أنه هز المسرح من شدة ضحكه ويقترب من الشيطان الرفيع ويقلب في عينيه يمنة ويساراً ويكثر في الضحك ويقول) لأنك خايب وباين عليك مش أبن جنيه ومش عارف شغلك صح ياهبل نسيهم وغويهم وغريهم ومنيهم وفتح عليهم الدنيا بجميع أبوبها ، تكتك سلح نفسك وتعلم فنون الإغواء دي شغلتك تنسيهم ربنا كل الشياطين تعلموا إلا أنتا لسه نايم ف الدّره أمتى تصحي؟ تحرك خد دورات يابن الجنيه أبوك الكبير معلمنا فنون الإغراء وقال لنا كتير في خطبه الباب اللي متعرفش تفتحه دور غيره لتفتحه يعني ماتنمش قدامك مليون باب حاول وجرب ودخل .
وبعدين أنا مش بشوفك لما ابونا ينصب عرشه على الماء ويجمعنا ويلقي علينا خطبته ويتفقد أحولنا بتكون فين ؟ آكيد بتكون هزلان ومش قادر تتحرك ماهو انتا ضعيف موتك ذكر ربنا وبيخليك تنكمش وهزيان ونايم على نفسك ودايخ حاول تيجي عشان تتعلم ازآي تغوي لبني آدمين دول.
الشيطان الرفيّعSad يتكلم وظاهر عليه الإعياء من قلة الأكل ) ويقول عارف أنا عملت اللي متعملش في الأسره دي لكن همه عالدوام محافظين على الأذكار والقرآن مش بينقطع م البيت حضرين أو غيبين حتى الحمام محصنينه حاولت أنام فيه مقدرتش وحاولت أتبول في ودانه عشان ميصليش الفجر لكن للأسف يقول ذكر النوم ولما يصحا يذكر ربنا حتى إني مش قادر أخش الشقه ببات عالباب وف البرد عارف ياد ياسمين ف عز الشتا يصحي آولاده وزجته ليتوضوا بميه بارده وبعد مايرجع من الصلاه يعملهم حلقة قرآن ويقولوا الأذكار مع بعض حتى لما يروح الشغل يقف ع الباب ويقول دعاء الخروج ولما يرجع برضه يقول دعاء الدخول كدا ازاي ادخل قلي يابروم .
( صوت من خارج المسرح يقول دعاء النوم ودعاء الخروج ودعاء الدخول)
(عن عائشة ض – أن النبي – (ص) كان إذا أوى إلى فراشه كل ليله جمع كفيه ثم نفث فيهما وقرأ فيهما : ( قل هو الله أحد) و( قل أعوذ برب الفلق) و( قل أعوذ برب الناس ) ثم مسح بهما ما استطاع من جسده )
( مازل صاحب الصوت يقرأ دعاء الخروج(عن أنس (ض) قال: قال: رسول الله –ص- ( إذا خرج من بيته فقال : بسم الله توكلت على الله ، ولا حول ولا قوة إلا بالله يُقال له: هُديت وكُفيت ووقيت فيتنحى له الشيطان فيقول له شيطان آخر : كيف لك برجل قد هُدى وكُفي ووقي)
( مازل الصوت الذي يذكر الأدعية يتكلم دعاء الدخول)
( عن جابر بن عبد الله – ض- قال : سمعت النبي- ص- يقول: ( إذا دخل الرجل بيته، وذكر الله تعالى عند دخوله وعند طعامه ، قال الشيطان : لا مبيت لكم ولا عشاء وإذا دخل فلم يذكر الله عند دخوله ، قال الشيطان : أدركتم المبيت ،وإذا لم يذكر الله تعالى عند طعامه قال: ادركتم المبيت والعشاء)
الشيطان السمينSad يضرب كفاً على كف ويتغير لونه وجهه من شدة الغيظ) ويقول: مشكله فعلاً كتر خيرك الواحد منا لما يلقى بني آدمين كدا بيتحصر في دايره ديقه لكن لازم ندور حل للمشكله لازم نخطط إزآي نبعد الأسره دي ( يقول ذلك ويعض على شفتيه من شدة الغيظ والحسرة )
الشيطان الرفيّع: ( مهلالاً) ايوه ياخوي ياسمين فكر وشغل الكبيره دي ( يشير على رأسه ويقترب منه ويحدق في وجهه ويقول) يا سمين عايز أبقا سمين وشك وللا القمر خدودك حمره زي الطماطم ومربرب وملظلظ وكرشك منفوخ ومليان ايوه ياعم آكيد وقعلك على كنز أو مخزن طعام وللا العباره ( يمسك بيده خدود الشيطان السمين ويكاد يفرصه من شدة الغيظ)
الشيطان السمين : ( يضحك بصوت عال ها ها ها .......... ويشير بيده على صدره) ويقول : أنا يابني فنان ف إغولاء وأخد دورات كتير مش بفوت وللا درس لأبوي الكبير أنا يابني واقع على كنز وكنز كبير كمان الأسره اللي متبعها انا غافله وبعيده عن ربنا تماماً منسيهم انا الصلاه وعامل عليهم شغل رهيب ومش بيسموا ع الأكل وبيسمعوا أغاني كتير وصديقكك قايم اعد في بيتهم حتي في وقت النوم بكون مع رب الأسره ع السرير وبكون معاه و بشوفه ف وقت( يضحك ويقترب من الشيطان الرفيع ويقول له في أذنه بصوت غير مسموع فيضحك الشيطان الرفيع ) شوف انا وصلت لفين ياخايب لدرجة باكل اكلهم كله .
الشيطان الرفيّع: يابختك يابن الجنيه طول عمرك شاطر عايز أبقى زيك كدا آكل وربرب لأني حاسس هموت نفسي آآآآآآآآآآآآآآآآآآآآكككككككك وأهيصصص ( يرفع يديه في الهواء محلقاً ثم يقترب ليحتضن الشيطان السمين واضعاً رأسه على صدره وهو يبكي ) ويقول نفسي أربرب والظلظ نفسي آكل
الشيطان السمينSad يرفع رأسه من على صدره متأثراً ببكائه) ويقول له متبكيش حبيبي أنا لازم اسعدك وهشفلك حل .
الشيطان الرفيّعSad يمسح دموعه ) ويقول : أيوه شغل دي الكبيره وخرجني م الورطه دي.
الشيطان السمين : ( يضع يده على رأسه ويصيح بأعلى صوته وجدتها وجدتها ) يابن الجنيه.
الشيطان الرفيّع) متلهفاً ) ايه ايه هيه ( يمسك بتلابيبه ويهزه بشدة صائحاً ) قول قول ايه هيه بسرعه.
الشيطان السمينSad لقتها فكره شيطانيه ابليسيه جهنميه)
الشيطان الرفيّع)متلهفاً لسماع الفكرة) قلي بسرعه
الشيطان السمينSad هقلك ممكن نبدل مع بعض انتا تروح مكاني وانا اروح مكانك وهعمل خطه لأبنه الصغير هروحله المدرسه ونسيه التسميه ع الأكل ما ياكل سندوتشه طوال اليوم ( منتشيكا بالفكرة ويلوح بيده في وجه الشيطان الرفيع ) ياحبيبي مايجبها إلا رجلها هتسمع سمع حلو.
الشيطان الرفيّع : ايه هيه الحركه دي ؟
الشيطان السمين: ملكش دعوه هتعرف بعيدين دا شغلي
الشيطان الرفيّعSmileيمط شفتيه ) ويقول شغلك شغلك المهم آكل.
الشيطان السمين: لكن يابرم لازم ناخد أذن أبونا إبليس الأكبر مينفعش نروح من نفسنا.
الشيطان الرفيّع:ماشي ياللا بينا نرحله دلوك يللا بسرعه عشان هموت م الجوع .
الشيطان السمين: ( يمد يده ويضعها في يد الشيطان الرفيع ويذهبا)
(أظلم المسرح وصوت من الخارج يقرأ هذه الآية ترتيلاً بصوت جميل )
(وَقَالَ الشّيطانُ لمّا قضُيَ الأمرُ إنّ اللهَ وَعَدَكُم وَعَدَ الحق وَوَعَدتُّكُم فَأخلفتُكَم وَمَاكَاَنَ لَِىَ عَلَيكُم مّن سُلطانٍ إلاّ أنَ دَعوتُكُم فاستجَبتم لِي فَلاَ تَلُومُونِي ولُومُوا أنفُسكُم مّا أنا بمُصرخِكُم ومَاأنتم بمُصرخِيّ إنّيِ كَفَرتُ بمًا أشركتُمُون ِ من قَبل إنّ الظّالمينَ لهُم عَذابُ أليم)

ستار




المشهد الثاني.
( المنظر إبليس الأكبر يجلس على عرشه ويخطب في أتباعه من الشياطين وهم حوله ويقوم بتوزيع الأعمال عليهم ويحثهم على العمل بجد ونشاط ويشرح لهم طرق في فن الإغواء والإغراء ، ويسمع منهم ماذا فعلوا والأعمال التي أنجزوها في هذا اليوم.

الؤقت ليلاَ والمسرح في ظلام ولكن الضوء مسلط على إبليس الأكبر وهو يخطب وفجاءة يدخل الشيطان الرفيع والسمين في هدوء ويجلسا مع الحضور)
إبليس الأكبر: ( يقول في خطبته ) أحبابي وذريتي وعشيرتي أنا مش راضي عن اللي بيحصل دا في كتير منكم بيفشل في عمله ودا نتيجه الإهمال والتقصير في العمل .
حبايبي أنتم نسين أنكم أفضل من البني آدمين دول تخلقتم من نار وهمه تخلقوا من طين فالنار أفضل من الطين طبعاً .
حبايبي لازم نحاول بكل ما وأُتينا من قوه ان نمنعهم من دخول الجنه نستخدم كل الوسائل والطرق حتى نمنعهم .
دا أنا لما اشوف واحد رايح يصلي بتفرس م الغيظ عايز اطق اقول فين آولادي عن الراجل دا همه نيمين ولاء إيه؟
ليه مينمعنهوش م الصلاه كدا ربنا هيغفرله كل اللي عمله فينكم عن الناس دي أمنعوهم من دخول المساجد زينوا ليهم القهاوهي ومقاهي النت عشان يتلهيوا عن المساجد .
حبايبي ف الزمن دا طرق كثيره وابواب مفتوحه للإغواء ودا يرجع لمجهودكم المشرف، النت، والربا، ونساء متبرجات، وبطاله ، والقهاوي مليانه ، وكتير حبايبي ولكن انا عايز أكتر .
حبايبي انتوا عرفين احنا بركز على تفكك الأسر يعني طلاق الزوجه من زوجها ودي أهم أعمالنا واللي يعمل كدا له عندي هديه كبيره هلبسه تاجي دا ( ويشير على التاج على راسه) وهقربه مني وتبقى له مكانه عظيمه عندي .
فجاءة يقوم شيطان من الحاضرين ويرفع يده يريد الكلام)
شيطان الحضورSad أنا سيدي ) عملت النهرده عمل يبسطك
إبليس الأكبر)يلتفت اليه ) عملت ايه حبيبي ؟ تعاله قرب قلي ايه عملت؟
شيطان من الحضور Sad يقترب من إبليس الأكبر ويقف أمامه) ويقول أنا طلقت واحده من زوجها النهرده .
إبليس الأكبرSad يبتسم وتظهر على وجهه السعادة لما سمع ويضع يده على كتفه بحنيه ولطف) ويقول برافوا ايوه كدا انتا حبيبي صح اشرح لخواتك عشان يتعلموا منك ومن طريقتك اللي فرقت بيها الزوجين دول.
شيطان من الحضور: ( يقوم بالشرح لزملائه كيف فرقهم) اول حاجه عملتها اني قذفت في قلب الراجل الغضب وولعته خليته زي البوتاجاز المولع حتى نسي م يقول دعاء الدخول فدخل مكشر بيته ولما فتحت زوجته ملقاش عليها السلام زي كل مره فأنا قلت دي فرصتي ولعها ولعها ( يغنيها ويرقص والشياطين يرددن خلفه وإبليس الكبر يصفق ) ولعها ولعها فقال لزوجته فيه أكل ؟
قالت لآء انا تعبت النهرده ومطبختش كان عندي صداع جامد فهو زاد غضبه وزعأ كتير فقلت لنفسي ياللا يا ابو الأبلسه أدلق البنزين عالنار وشعلهلها شعلهلها ( يرقص ويغني بها) وقامت الخناقه بينهم وقال الراجل أنتي كل يوم عيان مصدعه آكل ايه انا دلوكتي ؟ انتي ست مقرفه انا بكرهك ياللا على بيت ابوكي متقعديش عندي ، فهيا قالت دا بيتي وانتا اللي تمشي .
فزاد عليه الغضب وكبرت الفتنه بنهم ، فضربها ع وشها وبقي زي التور الهائج ، وقال لها أنتي طالق أنتي طالق ياللا أمشي دا بيتي وملكيش حاجه هنا هو ابوكي خلفهولك يللا سلام هوينا .
فخدت شنطتها وبنهاوخرجت ( وأخذ يرقص ويغني ) ولعها ولعها شعللها شعللها ( الجميع يغني معه )
إبليس الأكبرSad تظهر عليه علامات السعادة والفرح وهو يغني معه ويصقف بيديه ثم نظر ووقف من على كرسيه واخلع تاجه من على رأسه والبسه للشيطان من الحضور واخذ الشياطين في التصفيق وقال موجهاً كلامه للجميع ويشير بيده على الشيطان الذي البسه التاج) يقول دا يستحق التاج النهرده لأنه عمل عمل نفخر بيه كلنا تعلموا ياآولادي من أخوكم ، دي مهمتنا الكبرى تفكك الأسر ونخليهم في مشاكل دايمه ونفرق بين الراجل ومراته عشان العيال تتشرد في الشوارع ويطلعوا بلطجيه ويدخنوا بانجو ويتاجروا فيه لأنه الولد لما يتحرم من ولده أو من امه يعيش مزلول ونعرف نسيطر عليه ( صوت من خارج المسرح يقرأ حديث النبي(ص) قال : ص إنّ إبليس يضع عرشه على الماء ثم يبعث سراياه فأدناهم منه منزلة أعظم فتنة يجيء أحدهم فيقول : ما تركته حتى فرقت بينه وبين امرأته قال : فيدنيه منه فيقول: نعم أنت)( وهو يتحدث يقف الشيطان السمين ويرفع يده مستأذن للكلام )
الشيطان السمينSad ممكن طلب سيدي )
إبليس الأكبرSad أحنا جينا نستأذنك نبدل مع بعض أنا واخويا دا ويشير بيده على الشيطان الرفيع )
إبليس الأكبر : آزاي تبدلوا يعني ؟
الشيطان السمين: هو يروح مكاني وانا اروح مكانه.
الشيطان الأكبر: ( موجهاً كلامه للشيطان الرفيع) هو عندك مشكله حبيبي؟
الشيطان الرفيعّ: وممكن انجح فيها( يتكلم بإعياء واضح ) أيوه سيدي مش قادر على الأسره اللي موكل بيها لأنهم بيذكروا ربنا دايما وأبداً فقلت لأخوي ( يشير بيده على الشيطان السمين) يروح مكاني لأنه قال في خطه هعملها
إبليس الأكبر: ( يتكلم بحنيه إبليسيه) طيب ليه مش قادر ياحبيبي انا شرحت لكم طرق كتيره ولا طريقه نافعه معاهم يابني.
الشيطان الرفيّع: عملت معاهم العجب لدرجه فيوم نسيوا يسموا ع الأكل فذكرتهم آمنه بنته بتسميه رجعت كل اللي آكلته .
( صوت من خارج المسرح يقرأ حديث النبي : عن أمية بن مخشيّ (ض) قال : كان رسول الله (ص) جالساً ورجل يأكل فلم يُسمّ الله حتى لم يبق من طعامه لقمة فلمّا رفعها إلى فيه قال : بسم الله اوله وأخرهُ فضحك النبي(ص) ثم قال : ( ما زال الشيطان يأكل معه فلمّا ذكر اسم الله استقاء ما في بطنه ِ)
إبليس الأكبر : موافق تبدلوا مدام دا فيه منفعه لينا .( يوجه كلامه للشيطان السمين ) إيه خطتك حبيبي ؟
الشيطان السمين: ( يقف ليتكلم) خطتي عنده ولد صغير هحاول أنسيه التسميه في المدرسه لحد مايروح البيت ناسي وأحاول أدخل وره البيت.
إبليس الأكبر Sad مبتسماً) شاطر يابن الجنيه يللا روح عايز بكره اسمع سمع يفرحني ف الأسره دي ( يوجه كلامه للشيطان الرفيّع ) وانتا ياللا روح مكانه .
الشيطان الرفيع: ( يرقص فرحاً) ويقول هيييييييييييييييه هناكل هناكل هزغطط هلظلظ هربرب ( يتراقص عليى المسرح )
ستار

المشهد الثالث
( المنظر شقة فيها بعض الأساس يظهر أنتريه في الصاله وترابيزه سفره عليها طعام الأفطار يجلس عليها أب عمره 40 عاماً على وجهه سمة الصالحين ، حوله آولاده أبنه وبنته وزوجته ليتناولوا إفطارهم .
و الشيطان السمين على الباب يقف ولكنهم لايرونه ولا يستطيع الدخول )

الأب : ( يقول للأوده ) مين يذكرنا بدعاء الأكل ياولاد.
آمنه : ( تتوجه بوجها لإبيها ) انا يا ابي لأنه علي قال ا الأذكر في الصبح وقال دعاء الأكل مبارح ع العشا.
الأب : ( ينظر لها مبتسماً) ماشي تفضلي ياللا قولي.
آمنة : ( تبدأ في ذكر الدعاء) ( اللهم بارك لنا فيما رزقتنا وقنا عذاب النار)
( جميع يرددون الدعاء ويقولون آمين)
الأب : ربنا يبارك فيكي يامنة ويحفظك .
آمنه : وفيك يا ابي وشكراً على اللي علمتهنا دا .
الزوجه : ( تلبس حجاب الصلاة تربت على كتف آمنه بحنيه ) وتقول شكراً ليكي يامنه لقد طردتي الشيطان عشان ميكلش معانا .
الأب : ياللا ياود بسم الله نبدأ الأكل .
( الجميع بصوت مسموع بسم الله)
الشيطان السمين: ( يقف على الباب يعض على شفتيه من الغيظ وتظهر على وجهه علامات الحسرة والخذي ) ويقول ( بصوت مسموع ولكن الرجل وآولاده لايسمعوه)يقول من اولها طيب قلتوا الأذكار وطردتونا بره قلت ممكن تنسوا التسميه ع الأكل ومنستوش ايه هو دا؟ باين عليه يوم نحس من أوله الظاهر مفيش أكل وللا وسوسه وباين هموت م الجوع النهرده .
الأب : ( موجهاً كلامه لعلي) ياعلى
علي : نعم أبي .
الأب : متنساش وانتا خارج تقول دعاء الخروج عشان الشيطان ميتبعكش وياكل أكلك النهرده في المدرسه.
علي : ( يرد بأدب ) حاضر ابي .
الشيطان السمين: ( لايزال يقف بالباب متحسراً) ويقول برده حتى الواد الصغير قلت أستحوذ عليه وانسيه وأكل منه الأكل برده بيحصنه مش هينفع لازم اشوف صرفه لازم أكل اروح لأسرتي المغفله الناسيه أيه اللي خلاني اجي هنا وسيب مكاني بس انا كدا هموت من الجوع باين الأسره دي ربنا حفظها ( ويتوجه خارجا ذاهباً للأسرة التي كان يتولاها من قبل )
( يسود المسرح ظلام)
( صوت قادم يرتل بهذه الآيات )( قَال ربّ بما أغويتني لأزيننّ لهم في الأرض ولأغوينّهم أجمعين 29إلا عبادك منهم المخلصين40 قال هذا صراط عليّ مستقيم 41 إنّ عبادي ليس لك عليهم سلطان إلا من اتبعك من الغاوين42
وإنّ جهنم لموعدهم أجمعين)
ستار تمت
تأليف : سيد أحمد عبيد .
من مصر جنوب الصعيد
22\2\2010








سيد عبيد
مراقب ملتقى
مراقب ملتقى

عدد المساهمات : 255
نقاط : 346
السٌّمعَة : 0
تاريخ التسجيل : 23/05/2010
المزاج عال العال الحمد الله

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تاج إبليس

مُساهمة من طرف قمرالزمان في الجمعة يوليو 30, 2010 2:12 pm

سيد عبيد

تصوير رائع لحياة كثير منا

لايذكروا الله الا قليلا

مشاهد متنوعه وعمل ممتاز

بارك الله فيك

وابعد عنا وساوس الشيطان

مشكور استاذى

تحياتى
avatar
قمرالزمان
موقوف
موقوف

عدد المساهمات : 1079
نقاط : 1632
السٌّمعَة : 12
تاريخ التسجيل : 10/03/2010
الموقع : ملتقى الكلمة والقلم
المزاج سعيد

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تاج إبليس

مُساهمة من طرف سيد عبيد في الجمعة يوليو 30, 2010 3:16 pm

شكراً لكي أستاذه قمر على مرورك وتعليقك المحترم

سيد عبيد
مراقب ملتقى
مراقب ملتقى

عدد المساهمات : 255
نقاط : 346
السٌّمعَة : 0
تاريخ التسجيل : 23/05/2010
المزاج عال العال الحمد الله

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى