البيع والشراء في ايام العيد

من طرف سيد عبيد الأحد أغسطس 22, 2010 11:29 pm

إن ايام العيد لها طعم خاص في الشراء والبيع ولذلك تجد كثير من الناس في العشر الاواخر من رمضان يتوجهون الي اسواق بيع الملابس ليشتروا ملا بس لأولادهم مثلا في القاهره يذهبون الي سوق العتبه وسو ق وكالة البلح ومتقدرش تحط رجلك من الزحام وناس رايحه وناس جايه ومتقدرش تركب السيارت زحمه والناس علي بعضيها وتلاقي البيعين ينادوا بسبعه ونص وتعاله بص ويزعقوا وتلاقي معظم الاسواق دي حريم وتلاقي اكثريتها ملابس حريم اشي اصفر واحمر واخضر ويبرق وكل الالوان والشغل الفرنجي والبلدي والعبيات العربي والغير عربي وسلملي علي ابو العربي والبرسعيدي والصعيدي والقبلي والبحري وتلاقي الناس يشتروا كل لوازم العيد كأنه لو جه العيد والست مجبتش الحاجه دي ميكنش عيد ولا سعيد يا عم سعيد والرجل يدفع زي المدفع ويطلع من جيبه ويبعبع وتلاقي من الزنقه بيبعبع يعيني عليه لما من جيبه يطلع يعرق ميه وهدومه تنقع عايز يقعد قدام مروحتين وا حد يهويله كتر خيره ما دفع اللي في جيبه ومن السوق عايز حد يجيبه وام محمد تقله لازم تكسي وتحط ادها في جيبه يا عيني عليك يا ابو محمد والبيعين إلا من رحم الله يستغلوا الناس وكله يستغل كله يومين عيد موسم يا عم وتلاقي الحريم يجروا علي أزايز الريحه عشان التسريحه وووووه يا ابو ريحه والكحله والمليحه وتلاقي في السوق العيال مع ابوهم يبكوا العيال عيزين علي مجازهم وابوهم علي كد لحافك مد رجليك وتلاقيه يعارك كأنه داخل معارك وزهقان ومش طايق هدومه ويشخط في الشارع وام محمد تقله معلش ربنا يخليك ليهم كتر خيرك يا مصري يا اصيل علي انك عايش بالقليل وعلي ملح وشويه مخلل وربنا يخليك ابو خليل عشان متقلش راتبي قليل ولا في الكلام تميل كنا في الصعيد الكلام دا من 30 سنه يروح ابو يشتري ليا ملابس من عند دكان جا ابو بكير المسيحي الطيب يشتري ليا دبلان او كستور جلبيه واحده وكان جاد ابو بكير ميعرفش يغش ولا يلوون وكان يخدها ويديها لصبحي الخياط اللي مكانش حد يُعلى عليه في فن الخياطه كان يفصل الجلابيه مزبوطه عليك ياعيني عليك صبحي دا كان مسيحي جدع وكان يحب المسلمين وكانت الناس تحب بعضيها بدون عصبيه ولا تعصب كانت ايام جميله في الايام الاخيره الناس مشغوله بشراء الملابس لولادهم والدنيا زحمه وكله زحمه حتي سوق اللحمه

من طرف قمرالزمان الإثنين أغسطس 23, 2010 6:04 am

سيد عبيد

ياابن الزمن الجميل

كلامك بيرجعنا لاحلى سنين

فين دلوقت

كل شىء بقى جاهز

الاكل والشرب والملابس

كل سنه وانت طيب

وتعيش وتجيب فى العيد

تحياتى