ملتقى الكلمة والقلم
مرحبا بكم في ملتقى الكلمة والقلم يسعدنا ان تكون واحد من أهل الملتقى بالتسجيل هنا

انضم إلى المنتدى ، فالأمر سريع وسهل

ملتقى الكلمة والقلم
مرحبا بكم في ملتقى الكلمة والقلم يسعدنا ان تكون واحد من أهل الملتقى بالتسجيل هنا
ملتقى الكلمة والقلم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» (كل عمل لا يقصد به وجه الله فهو باطل ) .
كلمات من اغانى احمد منيب I_icon_minitimeالأحد أكتوبر 16, 2016 1:37 pm من طرف مصطفي غريب

» بين المرأة و الشمعة أكثر من حكاية وقصيدة
كلمات من اغانى احمد منيب I_icon_minitimeالأحد أكتوبر 16, 2016 1:29 pm من طرف مصطفي غريب

» الشمعة أم وزوجه !!
كلمات من اغانى احمد منيب I_icon_minitimeالأحد أكتوبر 16, 2016 1:25 pm من طرف مصطفي غريب

» خواطر للمحبين والعاشقين !!
كلمات من اغانى احمد منيب I_icon_minitimeالأحد أكتوبر 16, 2016 1:22 pm من طرف مصطفي غريب

» القلوب ثلاثة اقسام :- 1 - قلب سليم 2 – قلب مريض 3 – قلب ميت
كلمات من اغانى احمد منيب I_icon_minitimeالخميس أكتوبر 13, 2016 10:23 am من طرف مصطفي غريب

» ها هو الحب العشقي ؟ ولم نجده في زماننا هذا ؟؟؟؟؟؟؟؟؟
كلمات من اغانى احمد منيب I_icon_minitimeالخميس أكتوبر 13, 2016 10:14 am من طرف مصطفي غريب

» هل الحب في حاضرنا هذا اخذ معناه الحقيقي ؟؟؟؟؟؟؟؟؟ ( 2 )
كلمات من اغانى احمد منيب I_icon_minitimeالخميس أكتوبر 13, 2016 10:08 am من طرف مصطفي غريب

» بالحب تحيا القلوب :
كلمات من اغانى احمد منيب I_icon_minitimeالخميس أكتوبر 13, 2016 9:57 am من طرف مصطفي غريب

» هل الحب في حاضرنا هذا اخذ معناه الحقيقي ؟؟؟؟؟؟؟؟؟؟؟؟؟ ( 1 )
كلمات من اغانى احمد منيب I_icon_minitimeالأربعاء أكتوبر 12, 2016 11:27 am من طرف مصطفي غريب

» فلتكن شمعة تضيء الطريق للاخرين
كلمات من اغانى احمد منيب I_icon_minitimeالأربعاء أكتوبر 12, 2016 11:19 am من طرف مصطفي غريب

التبادل الاعلاني
احداث منتدى مجاني

كلمات من اغانى احمد منيب

اذهب الى الأسفل

كلمات من اغانى احمد منيب Empty كلمات من اغانى احمد منيب

مُساهمة من طرف ادهم حلفاوى السبت سبتمبر 18, 2010 8:59 pm

كلمات من اغانى احمد منيب 000000000000000bo4







بعض كلمات اغانى احمد منيب تاليف الشاعر مجدى نجيب



الحب ليه صاحب
والكره ليه صاحب
الحزن ليه صاحب
والفرح ليه صاحب
ونا .. أنا .. ع الوعد متصاحب
العشق ليه صاحب
والصدق ليه صاحب
الكدب مش صاحب
الضي ليه صاحب
ونا .. أنا .. ع الوعد متصاحب
باحب أصاحب كل شيء صادق
ما احسّ بأي صوت بيني و بينه أو فارق
وأفارق
كل شيء في الدنيا مش صاحب
ونا .. أنا .. ع الوعد متصاحب
باحبك ف لون الضي
ف بكره المبتسِم والجاي
ف نظره خايفه وخايفه علي
ونا .. أنا .. ع الوعد متصاحب


كان وكان وكان
كان فيه ليَّا حبيبه
كان فيه ليَّا نصيب
الغربة دي غريبة
غيَّرتني من زمان
كان وكان وكان
كان فيه زمان أهاليك
يا صاحبي وكان في الدنيا ليك
مطرح ومرسى يرسِّيك
في أي مكان في الدنيا كان
كان وكان وكان
كان فيه في قلوبنا ناس
كان فيه في عيونـًّا ناس
كان دنيا من الإحساس
وراحت من زمان
كان وكان وكان
كان فيه زمان مزازيك
كان فيه زمان الحب
اتقفـِّلِت شبابيك
واتغيَّر المكان
كان وكان وكان
كان فيه ليَّا صاحب
كان ع الدنيا متصاحب
مكان ما يمشي يتعاجب
واتغيَّر الزمان
كان وكان وكان
كان فيه ليَّا أب
كان فيه ليَّا أمّ
وسابوني في درب صعب
ماعرفتش الحنان
كان وكان وكان
كان وكان وكان
كان فيه ليَّا حبيبه
كان فيه ليَّا نصيب
الغربة دي غريبة
غيَّرتني من زمان
كان وكان وكان


الدنيا نصيب
الدنيا نصيب .. الدنيا نصيب
ولكل منـّا نصيب
نحبّ نكرَه .. ده نصيب
نتوه وننسى .. ده نصيب
نغيب ونرجع .. ده نصيب
الدنيا نصيب .. الدنيا نصيب
بالِفّ في المدينه
أعيش في عيون حزينه
ونفسي أكون جنينه
وضلّي يكون ربيع
بالِفّ في الشوارع
بلاقي القلب ضايع
ونا باعشق الجميع
نحبّ نكرَه .. ده نصيب
نتوه وننسى .. ده نصيب
نغيب ونرجع .. ده نصيب
الدنيا نصيب .. الدنيا نصيب
بقول أنا ده طريقي
وهوّه ده صديقي
ولو ح بلّ ريقي
ح يبقى من الربيع
الدنيا دي مرسومه
والقسمه دي مقسومه
ونا فرحي للجميع
نحبّ نكرَه .. ده نصيب
نتوه وننسى .. ده نصيب
نغيب ونرجع .. ده نصيب
الدنيا نصيب .. الدنيا نصيب



الأوتار

بنسهَّر الأوتار
يطلع علينا نهار
وإحنا مع المشوار
عدِّينا بحور وجبال
يا فرح يا هجَّار
إمتى تجينا الدار
ونسهَّر الأوتار
راكب حصان من ضي
والحلم راح مش جاي
وانتَ يا فرحي الجاي
بعد السنه
تيجي هنا
شارب مياه نيلي
ما قلت آه ويلي
بنسهَّر الأوتار
يطلع علينا نهار
وإحنا مع المشوار
عدِّينا بحور وجبال
يا ليل يابو المجاريح
ماشي في قلب الريح
بازرع أنا التفاريح
أسمر أنا
وأخضر أنا
شارب مياه نيلي
ما قلت آه ويلي
بنسهَّر الأوتار
يطلع علينا نهار
وإحنا مع المشوار
عدِّينا بحور وجبال
باكيه عيون موَّالي
ما قلت آه كان مالي
أستاهل اللي جرالي
وأسهر أنا
وأدبل أنا
تدبل ورود ع الخدّ
ولا حدّ سامع حدّ
بنسهَّر الأوتار
يطلع علينا نهار
وإحنا مع المشوار
عدِّينا بحور وجبال



يا مراكبي

هيلا هيلا .. هيلا هيلا وهيلا وهيلا
وإن شاء المَوْلى .. هيلا هيلا
راح نرسي ف مينا .. هيلا هيلا
أيامنا على الله .. هيلا هيلا
وقمر ليالينا .. هيلا هيلا
ويا مراكبي
شدّ القلوع .. يا مراكبي
مفيش رجوع .. يا مركبي
ويا ليل من غير حبيب .. هيلا هيلا
يا ليل أمرك عجيب .. هيلا هيلا
الورد كان
في كل مكان
طارح مطارح لحبي
والكون ده كان
زمان
ما يساعش حتـَّه من قلبي
يا مراكبي
شدّ القلوع .. يا مراكبي
مفيش رجوع .. يا مركبي
هيلا هيلا .. هيلا هيلا وهيلا وهيلا



على شط النيل

كان ماشي على شط النيل
كان ماشي يغنّي المواويل
من قلبه بيقول الآه
وكلامه نوّر قناديل
قابلتُه نسمه شاردَه
ونجمها عيونها فضَّه
وقمر فوق راسُه وردَه
وناس كُتار كُتار
بيغنُّوا ليل نهار
قال ومال
على الموَّال
الله عليك يا نيل




روّق بالك

روّق بالك ليه تحتار
ليه تتغيّر كده ف الحال
شوف ضحكتنا أحلى نهار
وآدي صحّتنا عال العال
مرَّه حاولنا وسألناه
خد على خاطره وقال لنا آه
ليه الشكوى يا صاحبي وليه
ليه ما نقولش يا دنيا الله
مهما حكاية حزن غريبه
إحنا الفرحه قصادنا قريبه
هي الدنيا ساعات وساعات
وبتغيّر حال عن حال
روّق بالك ليه تحتار
ليه بتفكّر إنّك صح
ليه بتحب تكون الغالب
ليه بتعيش ف هموم الجرح
ليه بتعيش الفرح الغايب
مهما حكاية حزن طويله
إحنا الفرصه قصادنا قليله
آدي الدنيا كتير مرّات
بتقرّبنا ساعات وساعات
روّق بالك ليه تحتار
ليه بنقول دي حياتنا وبس
أحلى ما فيها هو الأمس
كل كلامنا ليه بالهمس
ليه بنرصّ الحزن ده رَص
آدي الشوق مشاويره كتيره
حتوصّلنا بخطوه قصيره
هي الدنيا تحبّ ساعات
تلعب بينا ساعات وساعات
روّق بالك ليه تحتار




راح أغنّي

راح أغنّي
عصفور بزقزق
الشوق مشوّق
حكايتي باعشق
الفرح دنيا
والناس تروّق
وراح أغنّي
عصفور جناحُه
راسِم براحُه
بيقول ما راحوا
كلّ الأحبّة
لكن باغنّي
وراح أغنّي
يا حتّه منّي
بُعدك جرحني
والشوق سرقني
واللي عاجبني
لسّه باغنّي
وراح أغنّي
أنا لو تعبني زماني كلُّه
أنا راح أقولُّه
ودّعت حزني
إفرح وغنّي
حاسس كإنّي
الدنيا منّي
واللي عشقني
بيقول عايزني
لعينيه أغنّي
وراح أغنّي
ودّعت صبري
وشربت مُرّي
وزرعت فـُلّي
فراح يقولّي
أحسن نغنّي
وراح أغنّي
هجرت سفني
وهجرت شطّي
وليه تحُطّي
على الفرح حزني
ما تشيلي عنّي

وراح أغنّي
ادهم حلفاوى
ادهم حلفاوى
عضو مستديم
عضو مستديم

الأوسمة كلمات من اغانى احمد منيب Aw3
عدد المساهمات : 107
نقاط : 211
السٌّمعَة : 0
تاريخ التسجيل : 17/09/2010
المزاج تمام التمام الحمد لله

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى