**** إبكى ع الزمن الجميل ****

ابكى ع الزمن الجميل
********

لما تكون طيب ونزيه
وتلاقى ان دى حاجة تعيبك
لما تكون مخلص وعفيف
وتحس ان الظلم نصيبك
لما سهام الغدر تصيبك
واللى شد القوس حبيبك
ودموع عينك تنزل سيل
ابكى ع الزمن الجميل
**********
لما صحابك يأذوا مشاعرك
بس لانك شهم وناجح
لما جيرانك يكرهوا فيك
انك دوغرى وعقلك راجح
لو اخوك يزعل لما يشوفك
مخلص بتحب وبتسامح
وحظوظك فى الدنيا تميل
ابكى ع الزمن الجميل
**********
لما ولادك يرموا نصيحتك
وانت الخايف شر يطولهم
لما قرايبك يغدروا بيك
لو بالصح تقابل قولهم
لو بالطوب الناس حدفوك
علشان عقلك بز عقولهم
ومتلقاش فى الدنيا اصيل
ابكى ع الزمن الجميل
********
لو بيقولوا اهبل وعبيط
علشانك بحبوح ومسالم
لو بيقولوا عليك متخلف
علشان هادى وطبعك حالم
لو دايما يرموك بالباطل
وحقيقتك عادل مش ظالم
وتحس ان القلب عليل
ابكى ع الزمن الجميل
********
لما تحس ان طيبة قلبك
من اسباب تعبك وشقاك
لو جدعنتك وانك راجل
دايما بتجرك لهلاك
لو ناوى تعمل خير وتلاقى
شياطين الانس محارباك
وتشوف ان نهارك ليل
ابكى ع الزمن الجميل
********
لما تكون شاعر بالفطرة
والناس تكره حلو كلامك
لما تكون بتحب الناس
ويخلولك سود ايامك
لما يقرب خير هيجيلك
والحاقدين يسرقوا احلامك
وتشوف ويا الناس الويل
ابكى ع الزمن الجميل
*****

من الان اخى الفاضل بنبكى على الزمن الجميل

زمن الادب والاحترام

زمن الحب

شكرا اخى على ما خطيت به

بسمة وزهرة كتب:من الان اخى الفاضل بنبكى على الزمن الجميل

زمن الادب والاحترام

زمن الحب

شكرا اخى على ما خطيت به

الاستاذة بسمة
شكراً لك ولمرورك العاطر..
ليس فقط ماقلتِ هى مواصفات الزمن الجميل ..
هو الوفاء والحب وإيثار الذات وحب الخير للناس .. والعفوية والتلقائية والرضا بالمقسوم ، والتآخى والتكافل .. وكلها معانى ضاعت وسط دوامات المادية وحب الذات والانانية ونكران الجميل .. فى عالمنا الجديد
دمت فى سعادة

قمرالزمان كتب:

ولماذا ابكى مادمت انا عارف ان دى صفاتى وطباعى

اللى يبكى هوة المحروم من ها وناسى

ان الزمن الجميل باقى

مادام فى القلب حب والنبض لسه بيدق

والخير مالى قلبى ومشاعرى هيه هيه

ابكى ليه وعلى ايه

دانا افرح واعيش مرتاح

والناس تحسدنى عليه

وتتمنى تكون معايا تفرح بالزمن الجميل

شاعرنا الجميل

جمال عمران

لاتبكى على الزمن الجميل

الزمن ده انت وانا وكل الناس الطيبه

اضحك واسعد لانك واحد منهم

تحياتى ومودتى لقلمك الجميل

الاستاذة قمر الزمان
والله ان العالم يبكى الزمن الجميل منذ عهود !!
== مأساتنا ياولادة اننا ولدنا فى الزمن العقيم ==
== فنحن فى زمن تأكل فيه الأرض زرعها ==
== وتقتل فيه الأم طفلها == من ( مسرحية الوزير العاشق )
تحية لك استاذتى بلون منظارك الذى ترين به العالم سعيداً ..
دام مرورك الغالى ..

طارق المجرى كتب:

لما تحس ان طيبة قلبك
من اسباب تعبك وشقاك
لو جدعنتك وانك راجل
دايما بتجرك لهلاك
لو ناوى تعمل خير وتلاقى
شياطين الانس محارباك
وتشوف ان نهارك ليل
ابكى ع الزمن الجميل
********


تخياتى لك

اخى واستاذى

عمــــ جمــال ــــــران

الاستاذ طارق الغواص
شكرا لردك الأنيق الجميل .. ولكن !!
صورة من هذه ؟؟؟؟ الواضع يديه على خديه !!
اراه صالح سليم .. !! ثم يا استاذ ايه حكاية الصور معاك ؟ من الخروف - للقبقاب - لصالح سليم !! فهمنا جزاك الله خيرا