بياع الصبر بقلم :نجلاء نصير

الحلوة أم الغمزات ضحكت وصحت السكات

قالت يابياع الصبر هات
قلت لها شغلتي عطار
أبيع الصبر للتجار
حتي يصبروا علي غلاءالأسعار
كله في الساقية داير وشغال كالحمار
وليل الصبر ياحلوة مالوش آخر
اطلبي من الحزن يتااااخر
الحالة اتبدلت والناس غير الناس
نسيوا نفسهم وتاهوا ف المتاهات
والشيطان أصبح طوءالنجاة
وأقرب طريق لجني الثروات
والرشوة بقت شعار تلبية الطلبات
تقل جيوبك ياعني تنشال فوق الراس
وإن ماكانش معاك يطلبوا لك الحراس
وبالرجلين تنداس

‎_ردت الحلوة أم غمزات وقالت‎_
يا عم يا عطار
الصبر للتجار
أنت شايف بعينك ا
الأخبار
شفت الشطار
خلصوا علي الديار
وخلوا الشباب يلحس التراب
ويشيخ قبل الاوان
الكل زعلان
الكل غضبان
لكن جبان
مابيقول الحق
ولا بيصرخ ف وش الظالم
ويقول لأ
وأصبح عايش الأوهام
خلق لنفسه دنيا الأحلام
وبيفوق منها علي كلمة بكام
ونعمل إيه ادينا عايشين
ودوام الحال من المحال
ياعم يا عطار
يا بياع الصبّار