* ليلة ميلاد * إلى من يقف وراء ما حدث بالاسكندرية

ليلة ميلاد
الهرج زاد
وادى علامات القيامه
قربت
من غير معاد
زلزال دمار
أشلاء بشر
وإيدين خفيه
رتبت
ليلة ميلاد
*******
مين السبب
وبأى مبدأ
أو شعار
يشعل فتيل
للانفجار
يخلق من الفرحه
إنكسار
يدبح قمر
يخنق نهار
يفتح ببان للشر
لقلوب إنكوت
ليلة ميلاد
******
لو مهما صار
يا إللى إنتوا
من خلف الستار
بتشوهوا وتدنسوا
صورة بلد
ياما من الحب إرتوت
لما الصليب ويا الهلال
رسمم معالم لانتصار
والدنيا منهم
برضو ياما إتعلمت
إيه قصدكم ...؟؟؟
عايزين شرار النار
مابينا يتولد
لاجل إنكم
تبقوا المعونه والمدد
دا بُعْدُكم
طووووووول عمركم
بتعيشوا ف الجو اِلعفن
تتغذوا على اكل النتن
وبتشربوا دم السلام
إللى إتؤاد
ليلة ميلاد
******
الكل فاهمكم هنا
كل الولاد
عارفين هدفكم والمراد
واليوم مابينهم نهر فاض
بالحب فاق كل الحدود
يخلق ف قلب الموت
حياة
ليلة ميلاد
********

[color=blue]الاستاذ جمعة محمد
شكرا لاحساسك الجميل بمصاب الوطن الام مصر ..
ولكن لانجزع اخى فمصر فوق كل المحن ..
والوحدة الوطنية فى مصر ليست وليدة اليوم .. هى نسيج منذ الازل ..لن يستطيع احد مهما كان النيل من قوته..