***** رباعيات متنوعه *****

***** رباعيات متنوعه *****
دارت كاس المذله ع اللى ماليها ..
وشرب منها بعد ماكان ساقيها ..
والظالم بقى عبرة للظالمين ..
ومكانه جهنم م الخالدين فيها ..
....................................
لاءات كتير قلناها لم تعجب الفاسدين ..
لأ للقهر لأ للذل لأ للظلم والظالمين ..
والف لأ لكل اللى استعبدوا شعوبهم ..
وميعادنا بكرة لما تحكم الميادين ..
......................................
راح الوليد يحكى للصفصافة همه ..
لقاها أحن عليه من ابوه وامه ..
ماهو ساعات الجماد بيبقى قلبه أحن ..
ويحس بالانسان و يسمعه ويضمه ..
....................................
احلوة يا أم الحلا والجمال يامصر ..
أنتى يابلدى رايه فوق هامات العصر ..
انتى الكرامة والحرية يابلدى ..
وانتى صاحبة العزة ورايات النصر ..
......................................
نامت عيون الليل ومانامت عيونى ..
سهران اناجى حبيب أرق جفونى ..
لا حس بيا فى يوم ولا خد باله ..
ولما جننى حبه الخلق لامونى ..
...................................
يه يازهر دايما تجبلى شيش بيش ؟؟
وليه ياحظ حلو بادور عليك مالاقيش ؟؟
ليه يادنيا واخدانى من احزان ليأس ؟؟
وإن رحت أشترى راحه تقولى مافيش ؟؟
...................................
راح الولديبكى و يسأل على حبه ..
لقى الحبيب هجر وكان فى يوم جنبه ..
لاعرف ليه الحبيب فارق وليه خانه ..
ولا عرف أيه جريرته ولا حتى ايه ذنبه ..
..............................
دى مصر وولادها هيا عارفاهم بجد ..
لاقوة توقفهم ولا يقدر عليهم حد ..
ناويين يكملوا الثورة ويتحرروا ..
وعلم الحريه يبقا بعلو السد ..
.................................
ربيع الثورة قال للخريف ...غوور ..
لكن الخريف كان رخم أوى وصبور ..
فضل يعاند ويتمسك بجذع قديم ..
راح الثوار جايبين له سيف مسرور ..
................................