اصول مصريه قديمه للكلمات العاميه

من طرف طارق المجرى الثلاثاء أغسطس 24, 2010 3:29 pm

اي اي : طبعا كلنا عارفين الاغنيه بتاعه ليلي نظمي وهي بتقول عند بيت ام فاروق اي اي الشجره طرحه برقوق

واللي بحبه طلع مجنون (لا والنعمه عبيط بس يوه قصدي عاقل ) عند بيت ام صلاح اي اي الشجره طرحت تفاح واللي بحبه طلع فلاح

(لا والنعمه اسكندراني ) ها وبعدين هنزلكم بكارت الفرح ولا ايه لا عاوزه اقول ان (اي اي ) دي مصري قديم

ومعناها( نمي وزاد او نجح وترقي ) وهي كلمه قبطيه مقابله في الفرعونيه (عا )

ومعناها بقي عند بيت ام فاروق الخير زاد وفاض يعني بالبلدي ياهناه ياسعده ام دعياله (بس انا شايفه انها داعيه عليه )

شوبش : اكيد بنسمع في الافراح كلمه شوبش يااهل شوبش يااهل العروس

حد حاول مره يعرف معني كلمه شوبش دي ايه طيب وليه بيقولوا شوبش اصلا وشوبش جايه من الكلمه القبطيه

(شوباش) وهي كلمه مركبه من مقطعين شو (مئه ) من كلمه شت الهيروغليفيه وكلمه باش بمعني غرقه هههههههههه لابضحك

معاكم باش ( فرج _هنا _سعاده ) فيكون معني كلمه شوبش يااهل العروسه شوبش يااهل العريس بمعني ميه هنا لاهل العريس

وميت هنا لاهل العروسه ههههه عشان البوفيه مفتوح يعني

طبعا حد يقولي طيب مافي ناس بتقول في الحناقات وشوبش (الستات اللي بتشرشح لو حد ربنا كتبله ان ينزل ارض اللوا هههه

عارف انا بقول ايه ) فمعناها هنا بيبقي يافرحتي عشان بهزئك قدام الناس

عشان تعرفوا ان كلمه شوبش زي مابنستخدمها في الافراح بنستخدمها في الطلاقه وبعد شهر العسل هههه وهو ده اعاده التصنيع

هااااااااا

اتول : كلمه قبطيه من كلمتين ات (عديم ) وال (النظر او عين ) وتبقي علي بعضها اتوال وممكن نستخدمها بمعني جاهل زي ما

بنقول لحد انت متول او انت اتولت

اقرع : في مثل بيقول جبت الاقرع يونسني كشف راسه وخوفني

اقرع قبطيه من (كرحا ) ومعناها اصلع راسه صحراء جرداء يعني

اوباش : ايه معني كلمه اوباش كلمه قبطيه معناها عريان او صعلوك

مبلط : بنسمع كتير كلمه مبلظ في الخط الواد ده بلط طيب يعني ايه معناها طيب وجايه منين من بلاطه مثلا طيب وايه علاقه البلاط

بالرخامه او الكسل ممكن الفنيك هو وجه الشبه هه بشتغلكم بس هي مش من بلاطه

هي من كلمه (بيلتي ) ومعناها (مقعده او ورانيه ) يعني كثير الجلوس يعني زي ماتفهموها بقي

بين : بنسمع كلمه انت عامل زي غراب البين

البين يعني ايه ( شر _شؤم ) لان الغراب كان رمز شؤم عند المصري القديم ومازال عند المصري الحديث

تالف : بنسمع كتير كلمه الواد ده تالف او الاوطه تلف وتالف اصلها من اصل فرعوني بمعني ( خسران او فسدان ) وكذلك كلمه

(تلم ) هي كمان كلمه فرعونيه لها نفس المعني زي السكينه دي تلمه

تلكع : ماشي بلكاعه او الواد ده لوكع

مصري قديم برضه (اتلاكا) بمعني ( اللذي يضع كثيرا ) يضع مش معناها يولد الثعلب يضع ولا يبض الثعلب مكار توقعوا من اي

حاجه ونتيجه لمكر الثعلب يضع هنا مش معناها يلد معناها يستريج يحط يفصل كدهوا فمعناها مجازا يبطئ مكونه من تلت مقاطع

(ات ) اللذي (لا) كثيرا (كا) يضع

تنتون وتنتن : طبعا طبعا كلنا عارفين المثل اللي اشهر من هيفا وهبي اتلم تنتون علي تنتن الاتنين انتن وانتن

اشمعنا تنتون وتنتن يعني علي راسهم ريشه لا لان تنتون وتنتن كلمتين مصريتين قدام بمعني (شابه قلد ناسب )

يعني معني المثل الشخاص المتشابه في السؤ تتجاذب يعني الطيور علي اشكالها تقع

خدوا التقيله بقي انا مش عاوزه انكد عليكم بس عد كده كام مره في حياتك حد قال لك ياابن الايه

او يابنت الايه طبعا اللي يقولك كده تاني لطشله او اكسر زماره رقبته

الايه واللفظ قبطي معناه مستعدين اربطوا الاحزمه (ايه ) كلمه قبطيه بمعني بمعني ايييييييييييييييييييييييييه

اااااااااااااااااااااه ههههههههههه (بقره ) وهي في الفرعونيه (اح) عجل ومؤنثه (احت ) بقرة

فمعني ابن الايه يعني ابن البقره