رد عليّ بقلم :نجلاء نصير

من يوم ما خرجت للشارع
وشمرت الساعد
لاجل ما اساعد
ماتت الانثي
فيّ
أنت يا خويا
رد عليّ
هو صحيح
أنا هي
لما ببص في المرايا
مش قادرة اتعرف عليّ
زحمة ناس
ومواصلات
وطابور عيش
ومدارس وولاد
وشغل البيت
كله عليّ
طب ياحورية
ردي وقولي
فين جوزك
في القصة ديّ
هو كمان معايا مطحون
وسط رحايا
هم وديون
أصل يا خويا
أنا وعيالي
بنصرف علي القد
ويقولوا مصروفنا عالي
كل ما اروح السوق
اشتري خضاري
يطلب مني
ابني حسين
كيلو فاكهة
اعمل نفسي مش سمعاه
ما انا مش رح اجادل وياه
ذنبه ايه اشغله دماغه
بميزانية
وجمعية
ودي اقساط باقية علي
شفت يا خويا
العيشة ديّ
ليه ماجاوبتش
رد عليّ
هو صحيح
بعد ده كله
أكون أنا هيّ

تقبلوا تحياتي
نجلاء نصير

إذا كانت هى جواك فانت هى
وإذا ما كانش جواك هى فانت مش هى
سواء كنت فى بيت حرير
أو ملكة جمال
أو أم العيال.

نص فى عمق الحياة
وهو فعلا نص يحمل موضوعا حيويا
مؤثرا فى حياة الفرد وتركيب الأسرة وترابطها وبقاء المجتمع واتزانه

لك الشكر على هذا النص وفكرته المميزة
وتقبلى مرورى وتحيتى

استاذتى الاستاذة نجلاء
اشعار روعة وقديرة وجميلة بجمال القك*
حماكى الله*