مقتطفات ارتجالية

[b]المتاهة
تهت في المتاهة وقلت ياستار
ارحم عبيدك من جلادين النار
جبروتهم زاد وعملوا للغلابة مزاد
ونسيواأنهم في يوم
هيكونوا لدود الارض زاد
وعجبي
***********
دندن العصفور
دندن العصفور يابهية علي غصنك
وقال دا انا من صغري بدندنلك
ليه لما كبرت انحبس في الصوت
حكم علينا الغول فيك بالموت
وعجبي
*********
في ناس
في ناس تشيل الجميل وترده من تاني
ونا س تنكره وتلوذ بالفرار
ولا تخبط عليك أو تدق باب دار
ومن افعالهم تطلب الصبر من العطار
وعجبي
*******

حاضن دموعيتملي حاضن دموعي بين ضلوعي وساكت
حابب ترابك اللي جوه نن العين سابك
ولويقولوا محبة يجدلوا في هواك
من قلبي يا بهية مسابك
وعجبي
***********
حاسب من العدا
حاسب من العدا يالي فاتح صدرك
كيدهم لو صابك راح ينقسم ظهرك
وخاف من اللي يمدحك ويكلم من ورا ضهرك
كن دايما حريص لاحسن يحفروا قبرك
وعجبي

ما هذه الدندنه حبيبتى نجلاء

والمقتطافات الرائعه


دائما ترسمى بقلمك كلمات و كلمات و كلمات

يتوه القلب عند قراتها

و تبتسم العين لمرأها

و تهدأ الروح لوجودها

متالقه انتى حبيبتى

الاستاذة نجلاء نصير
مبدعة كعادتك وجميلة اشعارك .. ورائعة رباعياتك ..
دمت بكل السعادة