مقتطفات ارتجالية ج 2 بقلم :نجلاء نصير

1‎- بغداد
أه يا بغداد يا وجع البلاد
منقوشة في الروح بقلم من ماس
لولا جمالك ما طمعوا فيك الانجاس
ولولا التخاذل ما باعوك الناس
#######
‎2_فلسطين
بقي لي سنين بنده علي بلادي
واقول يا فلسطين مش يحررك غير ولادي

شايلينك في نن العين
ولعطر ترابك مشتاقين
ولطارك والله مش ناسيين

بدمانانطهرك يا حلم الملايين
******************
‎3_الف وش
هو فاضل إيه تاني نقول ونعيد يارحاب في معاني
نتمني نسكر باب الدار في وش كل كداب غدار
وإن طالته ايدينا نحرقه بالنار
لكن اللي بألف وش في زمننا عشاقه كتار
*****************
٤‎_ليل وويل
ليل وويل وليالي ما نامت عيني يا غالي
أنت اللي علمتني ازاي يكون الحرف مرسوم
ومهما جري نصبر ونرضي بالمقسوم
وان دمعت في يوم العين ماتقول علي محروم
لام اللايمين عليّ في حبك يا بهية
مهما عملت فينا شايلينك جوا عنينا
نموت في تراب أرضك
وان حب عدو يسبيكي
بعنيننا نفديك
****************طعم الوفا
تهنا في الطريق لكن اتلاقينا
لما دورنا علي الصديق
قصرت ليالينا
وعرفنا طعم الوفا
واحنا مع بعضينا
************
أعين الجبناء
نامت أعين الجبناء
وزاد في الارض البلاء
كل شيء في غلاء
ورخص ثمن الضعفاء

**************
يا بهية
تملي يا بهية أنت ست الحسن
عملتلك من قلبي ألف غصن وغصن
ونسجت من ترابك شال علي راسي
انت ياأغلي الاحباب أهلي ودنيتي وناسي