!!! يوميات مسافر !!! متجدد ..

الإبن
اسمع يابا اسمعى يا امة
راح توحشنى والله اللّمة
ايوا صحيح .. العيشة مابينكم
هى الجنة
لكن ... وسط الفقر وضيق الحال
ازاى نتهنى
انا راح اسافر
واركب مركب وسط الضلمة
بنفسى هاغامر
لاجل ما ترجع ليكو البسمة
بس ياريت تدعولى ف سفرى
تنزاح من على قلبى الغُمّة
****************
الأم
يا ابنى بلاش خليك ويانا
واللقمة اقسمها معانا
مرة نلاقى مرة مافيش
راح نرضى بالمقسوم لينا
عارف كيف الغربة عذاب
ليه تخلى الاحزان ف حشانا
**********
والى يومية جديد لنستكمل باقى الحدوتة فتابعونا....... (جمعه محمد)[center]

الاستاذ جمعة محمد
عهدتك مبدعا .. فكن كذلك ..
فى جعبتك الاروع والاجمل فهات ماعندك ..وانى لمنتظر
شكرا لك

استاذ / جمال عمران
انت سيدى دائما خلوق ومشجع
دمت ودامت اطلالتك. اسعد جدا بمتابعتك استاذى

الاستاذ جمعه محمد
جميل قصيدك لكن الوجود بين الاهل لايساويه كنوز العالم كله *
سلم قلمك استاذ جمعه*

الاستاذه / صفاء جمال
اسعدنى تواجدك هنا
لكنك استاذة تعجلتى لو تنتظرين وتتابعين باقى اليوميات ستكتشفين
صدق ما قلتى
تابعين وستعرفين ان البقاء بين الاهل يساوى الكثير
دمت بخير

الاستاذ / طارق المجرى
سعدت جدا بتواجدك هنا وبالمداخلة الجميلة
لك منى اجمل باقات الورود

نستكمل معكم ( يوميات مسافر ............. فتابعونا)
************************
يا امه هاسافر ما تحاوليش
لو هافضل ازاى راح اعيش
كيف هاتجوز وابنى حياتى
واكفى اخواتى وافرح قلبك
وانا باكسب حبة ملاطيش
بادفعهم تأمين وضرايب
واقعد جنب الحيط مالاقيش
لازم اسافر ما تحاوليش
******************
وانت يا بويا
ما حلمتش لما اكبر يوم
اصبح سندك
واحمل عنك حبه هموم
ياما تعبت وياما شقيت
ليه عايز تفضل محروم
يابا خلاص
الفقر كوانى
بيصحينى ف عز النوم
كأنه كابوس
عمال يخنقنى
وانا باصرخ
وباقول مظلوم
سرقوا البسمة من شفايفنا
أخدوا الفرحه وتركوا غيوم
د احنا غلابه ف وسط ديابه
طب قولى على مين هانلوم
*** ايوا هاسافر
جايز يابا ارجع يوم
ومحقق كل الاحلام
وان مارجعتش
يبقى نصيبى
امسح دمعك
فوض امرك
لله وادعى
على اللى ظلمنى
وظلمك دوم
***********
الاب والام: يعنى خلاص قررت تهاجر
الابن: ايوا خلاص بكره انا مسافر
************
والى يوميه جديده لنستكمل باقى القصه وماذا حدث اثناء الرحلة
فتابعونا و..............................يوميات مسافر
استودعكم الله

قمرالزمان كتب:

مسافرنا الرائع

استاذ

جمعه محمد

شكرا لكلماتك الجميله

فاتنا بالمزيد من روائعك تلك

بانتظارك

ويثبت

تحياتى لقلمك

الاستاذه الفاضله / قمر الزمان
دمتى سيدتى ودامت اطلالتك هاهنا
لك جزيل الشكر على تثبيت النص
دمتى بخير