إحنا اللى أسأنا للنبي!

من طرف **جمال فرح** السبت سبتمبر 15, 2012 12:45 am

هو النبى صلوا عليه

(صلى الله عليه وسلم)

يرضى بكده أو يرتضيه

ناس وضالة عملوا فيلم

مسىء بذىء وكله ظلم

لأ وكل العبر فيه!

نقوم احنا يامسلمين

إيد واحدة وعزم متين

ندافع عن الحبيب

بالعنف والتخريب

نقتل بعض ونضرب بعض

ونجيب أمريكا فى التحرير الأرض!

بقى هو دا ياخوانا الرد!

وحياة عظمة الرسول

أنا مش حقول

من سيرة النبي الحبيب

إلا حكاية "اليهودي المسىء"

كان كل يوم أمام بيت الحبيب

يسيب أُثره الكريه الكئيب

ولما عدى يوم

ماسابش فيه اللى بيدلل عليه!

عارفين سيدنا النبي كان رده إيه

راح لليهودى ف بيته يطمن عليه!!!

هو دا النبي بأخلاقه وعظمته

وهو دا الإسلام الحقيقى

وهى دى رحمته وسماحته

وان كان أعدائنا أساءوا ليه

ف احنا يامسلمين ياجاهلين

أسأنا للنبى وظلمنا الدين

أكبر إساءة

وأعظم بكتير!

[left]