بحـث
المواضيع الأخيرة
كلام فى التمام
2 مشترك
صفحة 1 من اصل 1
كلام فى التمام
السلام عليكم
بما أنه بدء الختام
قلت أبتديها بحبة كلام
بس كلام في التمام
ناس هاتقول مختلف
وناس هاتقول شمام
الخلاصة هايفضل كلامي مجرد كلام
كلام شاب همام أو مجرد أي كلام.
ناس من ناس ، شعب منداس
بالعصاية والجباية والاستغماية
دخلوا بيوت أحسن ناس
ناس سرقت بنطلوني
جننوني جننوي فوق جنوني
قال إيه دي ضريبة دي أتاوة
دي مصيبة بنويبة يا حلاوة
وأهو أي كلام.
واحد بيسرق علشان الحاجة
وواحد حرامي ومش ناقصه حاجة
والحاجة بقت أساس لكل حاجة
حاجة للذاد ، سلطان عالعباد
والانسان بقرش في أي مزاد
حرامي الحاجة حرامي اسجنوه
وحرامي كل حاجة عم عمامي عظموه
وأهو برضه يعتبر أي كلام
طب خدوا دي هاتعجبكم افحصوها
الجيم بعد الميم قرروا ينقلوها
هي هي هي
أدي دقني لو فهمتوها
وأهو لسه أي كلام .
طب تعرف يابيه ياللي معايا
أنا إيه جوايا ؟
أنا مواطن من شعب الحضارة
متغاظ على بلادي المختارة
متغاظ من بلدي الغدارة
ولا يمكن من سكان العمارة ؟
حمار وجحش وحمارة
ولامؤاخذة سامحني ماهو أي كلام .
طب شفت الفرخة بتبيض حداية ؟؟
طب تعرف ثعلب قوم لف ورايا؟
طب تعرف القلعة والسرايا ؟
ولا أنت زي حالاتي
بتقول أديني في ديني وكفاية ؟
ياعمي دينك وديني يوم الدين نتكلم
أدينا على اسم الله بنتلم ومن الله بنتعلم
فكك بقه من حوار لا هايأخر ولا يقدم.
وده أكيد مش أي كلام .
هاتقولي مسلم ؟ هاقولك لا .
هاتقولي مسيحي ؟ هاقولك ااه .
بس تعرف يا ابن آدم ؟
أنا ابن آدم !!!!!!!!!!!!
أنا انسان ، وأنت كمان.
مالك ومالي ؟ وليه عاوز تاخد مالي ؟
اكمن بدايتنا كانت عمرية ؟
وماله ؟ أدينا النهاردة في عصر الأمريكية
أمريكا ، أوروبا ، أفغان ولا سعودية
فيها إيه يا بشر لو نفهم معني الانسانية ؟؟؟؟؟؟؟؟؟؟؟؟؟؟؟
يادي النيلة !! ، غصب عني مابقاش أي كلام .
خدوا أخر كلمتين والسلام
عاوز تعيش ؟ ، عاوز ومافيش ؟
بتشتري رغيف لايتاكل ولا يتحشيش؟
قالولك انسى بالحشيش؟
عايش في نجع العرج وبتسمع عن مارينا والعريش ؟
بتتضرب ولا تبكيش ؟
بتتسرق ولا تشتكيش ؟
قول لبتوع الكلام
وهروا جتتنا كلام في كلام
يعيش يعيش يعيش.
أو تعال رد معايا
برضه بلغتهم
أي كلام
.
قمرالزمان- موقوف
- عدد المساهمات : 1079
نقاط : 1632
السٌّمعَة : 12
تاريخ التسجيل : 10/03/2010
الموقع : ملتقى الكلمة والقلم
سعيد
رد: كلام فى التمام
رائع حبيبتى قمر
بجد نقل مميز
عجزت عن الرد
لان دا حالنا
شكرا قمر
بجد نقل مميز
عجزت عن الرد
لان دا حالنا
شكرا قمر
بسمة وزهرة- عضوية ذهبية
-
عدد المساهمات : 1616
نقاط : 2407
السٌّمعَة : 0
تاريخ التسجيل : 17/03/2010
الموقع : الجيزة
فرحانة بالملتقى وناسه
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد أكتوبر 16, 2016 1:37 pm من طرف مصطفي غريب
» بين المرأة و الشمعة أكثر من حكاية وقصيدة
الأحد أكتوبر 16, 2016 1:29 pm من طرف مصطفي غريب
» الشمعة أم وزوجه !!
الأحد أكتوبر 16, 2016 1:25 pm من طرف مصطفي غريب
» خواطر للمحبين والعاشقين !!
الأحد أكتوبر 16, 2016 1:22 pm من طرف مصطفي غريب
» القلوب ثلاثة اقسام :- 1 - قلب سليم 2 – قلب مريض 3 – قلب ميت
الخميس أكتوبر 13, 2016 10:23 am من طرف مصطفي غريب
» ها هو الحب العشقي ؟ ولم نجده في زماننا هذا ؟؟؟؟؟؟؟؟؟
الخميس أكتوبر 13, 2016 10:14 am من طرف مصطفي غريب
» هل الحب في حاضرنا هذا اخذ معناه الحقيقي ؟؟؟؟؟؟؟؟؟ ( 2 )
الخميس أكتوبر 13, 2016 10:08 am من طرف مصطفي غريب
» بالحب تحيا القلوب :
الخميس أكتوبر 13, 2016 9:57 am من طرف مصطفي غريب
» هل الحب في حاضرنا هذا اخذ معناه الحقيقي ؟؟؟؟؟؟؟؟؟؟؟؟؟ ( 1 )
الأربعاء أكتوبر 12, 2016 11:27 am من طرف مصطفي غريب
» فلتكن شمعة تضيء الطريق للاخرين
الأربعاء أكتوبر 12, 2016 11:19 am من طرف مصطفي غريب