**** رباعيات على قدّى ****

تقول عن امة كانت يوم متسيدة ..
والأمم كانت عبيد وهى بَسْ السيدة ..
تبقى بصيت ع الخريطة وشفتها متحددة
الأندلس كانت زمان وللا انت شايف غير كدة ؟
****
نعيش مع بعض ايامنا .. اصونك والمحبة تصون ..
وانسى معاكى احزان عمرى .. وانسى الكون ..
واتنبه الاقينى لوحدى . فى الليل والسكون ..
انده عليكى تصْحى الناس .. ويقولوا فى الهوى مجنون ..
****

نفضل لآخر حياتنا كدة .. نستنى الطعنة فى قلوبنا ..
نشيل للناس شعورطيب .. يحطوا الطين على توبنا ..
وتصدمنا الحياة فيهم .. نضيع وتتوه بنا دروبنا
*********************
.نقول إن إحنا مش عاجبين العم سام ..
يقوم يحتل ويكسَر ويقتل ويسلِب والسلام ؟ ..
وللا الموضوع متخطط له من طرف اللئام ؟ ..
طبعاً يعرف الإجابة حبايبنا الغاويين كلام

ياعيني ياليلي ياسيدي ع الجمال
بجد رباعيات جميلة
وأجمل مافيها عشق الوطن الأكبر
"سابقا"
الشاعر الجميل جمال عمران
شكرا وتقديرا وتحياتي العطرة
دمت شاعرا مبدعا

جمال فرح كتب:ياعيني ياليلي ياسيدي ع الجمال
بجد رباعيات جميلة
وأجمل مافيها عشق الوطن الأكبر
"سابقا"
الشاعر الجميل جمال عمران
شكرا وتقديرا وتحياتي العطرة
دمت شاعرا مبدعا

الاستاذ الاخ جمال فرح
نورنا وجودك واحلفلك بربنا ..
يا اعز من اخونا واهلنا ..
دام تشجيعك لى اخى الغالى

قمرالزمان كتب:

الشاعر الالق

جمال عمران

كلام جميل وفى الصميم

حانفضل برضه نشيل للناس شعور طيب مهما حصل

هوة ده احنا مش حانتغير

شكرا لك

تحياتى

الاستاذة قمر الزمان
شكراً لمرورك الغالى الذى شرف به متصفحى المتواضع ..
شكراً لتشجيعك الكبير
دمت فى سعادة

رباعيات رائعه
استاذ جمال
والشرف لى بتواجدى بين سطورك

واتابع بحب

تحياتى

بسمة وزهرة كتب:رباعيات رائعه
استاذ جمال
والشرف لى بتواجدى بين سطورك

واتابع بحب

تحياتى

الاستاذة بسمة
شرفنى مرورك العاطر
وتستمر الرباعيات بقضل تشجيعكم

" تقول عن امة كانت يوم متسيدة ..
والأمم كانت عبيد وهى بَسْ السيدة ..
تبقى بصيت ع الخريطة وشفتها متحددة
الأندلس كانت زمان وللا انت شايف غير كدة ؟ "
استاذ جمال
رشيق القلم
سهل اللغة
عميق المعنى
يسعدنا و سعدكم برباعيات تنعش العقل و بعضها يوجع القلب
ولكن ده حال الشاعر مهموم ببلده و حال اهله
وجعه اكبر واحنا علينا المشاركة

عطاء كتب:" تقول عن امة كانت يوم متسيدة ..
والأمم كانت عبيد وهى بَسْ السيدة ..
تبقى بصيت ع الخريطة وشفتها متحددة
الأندلس كانت زمان وللا انت شايف غير كدة ؟ "
استاذ جمال
رشيق القلم
سهل اللغة
عميق المعنى
يسعدنا و سعدكم برباعيات تنعش العقل و بعضها يوجع القلب
ولكن ده حال الشاعر مهموم ببلده و حال اهله
وجعه اكبر واحنا علينا المشاركة

الاستاذ عطاء
تواجدك اضفى غلى متصفحى المتواضع بهاءً وألقاً
دام مرورك العاطر اخى

تميل يا صاحبى نسندك .. لإنك وفى وأصيل
مخلص تمللى للصحاب .. مانتاش ناكر جميل
دايماً معاهم فى المحنْ .. لما الحظوظ بتميل
والكل دايماً يذكرك .. بالخير ويوفى الكيل
************
حلمى المسروق من تحت جفونى المقفولة ..
إزاى يعنى خدوه من جوا عيونى الحولة ؟ ..
وانا لا حكيته لحد فى يوم ولا قلت لمخلوق قولة ..
قالوا أكيد بتراقب حلمك بعض جهات مسئولة
**********
مش منا دول صدقنى ولا منهم كمان إحنا ..
لا لينا فى الهاى لايف ولا لمس الأرض يجرحنا ..
لا لينا فى الإتيكيت والدلع إن جينا أو رحنا ..
ده إحنا والفقر متلازمين فى أوضةعلى سطوحنا
**********
الألف أول حروف اللغة وفاتحة القرءان ..
وبين الأف والياء حد الكون والزمان ..
ولو مفيش حرف الألف هنتوه عن العنوان ..
ومن غير لغتنا الجميلة تتعطل الأكوان
**********
للشعر العامى يااخواننا برضه أوزان وأصول
ماهوش كلام مسجوع .. ده فن ليه أصول
والكلمة نحسها ونوزنها والميزان حساس
ولما نقولها أو نكتبها تعجب جميع الناس