**** كل محافظات مصر ****

( 1 )

مرسى مطروح يا جمال بهاءها وحسنها ..
شُعرا كتير غنوا وعِشقوا بحرها ..
وقبايل متجمعين اهل وصحاب على حبها ..
****
كرم العرب فى اهلها وعلى أرضها محافظين ..
قبايل من أنساب شريفة وف مطروح متجمعين ..
شيوخ مشايخ فى القبايل بالشهامة معروفين .
****
والحرب كات على ارضها عند الحدود ..
وإنصهر حب الوطن بين القبايل والجنود ..
وعلم النصر رفرف عالى فوق هامة الحشود .
********************************
( 2 )

البحر الأبيض يتعالى والغرور واخده بصحيح ..
ما هى حاضنة موجُه والغزل بينهم صريح ..
إسكندرية وبحرها عِشق بيحسده المجاريح ..
****
أيوووو ياناس على اهلها فى الجدعنة والكرم ..
رجالة تعرف فى الأصول ويقدروا المحترم ..
وبنات بلد فى ملاية لف والجبين عِلْو الهرم ..
****
والفنارة هناك بتحكى قصة ماليها الكفاح ..
عن بلد صَد الغزاة وكان لنصرتنا السلاح ..
والعدو فى البحر قبٍرُه ويطلع من مكانه صباح ..
****
باقى المحافظات تباعاً حسب ترتيبها على نهر النيل ..

من طرف طارق المجرى الخميس نوفمبر 11, 2010 7:56 am

يا ام الحضن يضم
يلم كل الحبايب
اللي شرّق
و اللي غرّب
اللي بعّد
و اللي قرّب
اللي حاضر و اللي غايب
افتحي دراعك يا أمي
طبطبي يا مصر ضمي
افرحي نسيني همي . .
لو أجيلك . .
أشتكيلك . .
أبكي دمعي في قلب نيلك
أصرخ . .
أقولك . .
في كل حبة من ترابك
قلبي دايب
يا مصر . .
يا ام الحضن يضم
يلم كل الحبايبل

قصيده جميله جدا استشعرت بجمال وعمران حروفها

متابع المزيــد

شكرا لك الاخ

جمال عمران

من طرف **جمال عمران** الخميس نوفمبر 11, 2010 3:45 pm

الاستاذ طارق المجرى
****
بتكتب رد أحسن من الموضوع ..
بكلام يمس القلب يعشش ف الضلوع ..
حرام كل ما اكتب شعر تحرجنى ..
واقرا كلامك احس بيه مسموع ..
****
شكراً لمرورك العاطر

كل محافظات مصر