**** منوعات****

..نفضل لآخر حياتنا كدة .. نستنى الطعنة فى قلوبنا ..
نشيل للناس شعورطيب .. يحطوا الطين على توبنا ..
وتصدمنا الحياة فيهم .. نضيع وتتوه بنا دروبنا
*********************
.نقول إن إحنا مش عاجبين العم سام ..
يقوم يحتل ويكسَر ويقتل ويسلِب والسلام ؟ ..
وللا الموضوع متخطط له من طرف اللئام ؟ ..
طبعاً يعرف الإجابة حبايبنا الغاويين كلام
**********************
تقول الناس بتسترخصنا ع الآخر ..
كإننا توب من صنف ردئ ماهوش فاخر ..
ده زماننا إللى فيه الكبير بيتكبر ويتفاخر ..
وإحنا ياحسرة نتكرمش ونبقى فرجة للساخر
********************
احلف برب الكون واحلف بالنبى العدنان ..
إن مايقوم للعدو قومة ولا يكونله مكان ..
لا فى فلسطين ولا بغداد ولا سوريا ولا لبنان ..
طول ما العزة موجودة وقلوبنا مليها إيمان
*******************
هاروح لناس تانية غير إللى عرفونى ..
يمكن الاقى عندهم معنايا ومكنونى ..
والاقى حد يفهمنى ويحس يعنى بشجونى ..
ويبقولى أحبا اخوات ومش وانا حى ياكلونى

احترت ايهما اجمل من الاخرى
فوجدت نفسى اختارهم جميعا
كل منهم تدل على اسى ساخر لما يحدث لعالمنا العربى

اشكرك على قلمك الراقى
تحياتى

بسمة وزهرة كتب:احترت ايهما اجمل من الاخرى
فوجدت نفسى اختارهم جميعا
كل منهم تدل على اسى ساخر لما يحدث لعالمنا العربى

اشكرك على قلمك الراقى
تحياتى

الاستاذة بسمة
الأجمل هو تواجدك فى متصفحى ..
دام مرورك مزهراً وبساماً ..

قمرالزمان كتب:

جمال عمران

مااروع قلمك يطيع بنانك

ومشاعر تاتى من وحى افكارك

ابداع ومشاعر
وطنيه
تفيض وتفيض

رائع انت

الاستاذة قمر الزمان
الأروع هو سنا مرورك الذى سطع على رباعياتى فزادها ألقاً.
دام مرورك الرائع