رسالة لكل زوج ؟؟؟

من طرف مصطفي غريب الثلاثاء أكتوبر 11, 2016 10:16 pm

رسالة لكل زوج ؟؟؟
هل فكر اي زوج وانا بقول الكثرة من الرجال
يعمل وقفه مع النفس تجاة الزوجة
مفاجئة لزوجتة من حين لاخر؟
هل فكرت اي يوم تجيب للاولاد الاشياء اللي بيحبوها من فاكهه وخلافة شبسي مصاصة الي اخرة نعم اقول واشهد انك بتجيب للاولاد .
لكن هل فكرت مرة بجانب الاولاد تجيب مثلا شوكولاتيه للمدام وتدخل حجرة النوم وتنادي عليها حبيبة قلبي عيزك ثواني ممكن تقلك مش فاضية ههههه قلها بس ثواني سيبي اللي في يدك ما هي عارفه طلباتك كثيرة . بعدها اخرج الشوكلاتيه من جيبك وقلها انا لم انساك جبت لك الشيء البسيط دا مع كلمتين حلوين مع حضن من القلب الصافي انتي روحي انا مقصر في حقك انتي نور عيني وحياتي دائما تعبك معايا ............... الح من الكلام الجميل . المرأة جوهرة عندما تكون مخلصة لزوجها واولادها هذه الجوهرة لا تترك دائما تفاجئها باي شيء بسيط

*هل فكرت يوم بعد ما يناموا الاولاد وانت في طريقك للبيت تكلمها وتقلها انا عزمك علي خروجة جميلة انا وانتي فقط ايه رايك نتمشي شوية علي ضفاف النيل نتذكر ايمنا الجميلة وانت معاها حسسها بمكننها مع لمسة يد . مع حوار شيق عن ايام ما قبل الزواج من ذكريات الماضي الجميل قبل الزواج . نسيت اقلك في بتوع الذرة المشوي وبتوع التين وفي رجل بتاع السميط والدقة مع كيس لب وسوداني اي شيء بتحبه هي

* هل فكرت يوما وانت في البيت تقلها ايه رايك نشرب نسكافية مع بعض مثلا هتقلك حاضر هعمل لي ولك قلها لا يا روحي انا اللي هعمل احلي نسكلفية لاجمل زوجة وحبيبة
او تفاجاها بالشيء اللي بتحبة وتقدمه لها

* هل فكرت يوم تاخذها النادي وتقفلوا التليفونات وتتفرغ لحوار شيق وتذكرها بايام التعارف والخطوبة الايام الجميلة ولا الكلام الجميل بيطلع لزميله لك في العمل او علي التواصل الفيس وخلافة وتقعد تقول قصائد شعر فيها شعرك جمالك نورقك تسريحة شعرك .....الخ من كلام النفاق ولكن الملاحظ نجد في النوادي هو ماسك الموبيل او العكس وكل في وادية او بيتصفح الجرائد هل دي حياة لا والله

* الرجل هو مفتاح السعادة والاستقرار في الحياة الزوجية من هذه الاشياء سوف تجد حياة سعيدة بالحب بالعطاء السكينة في تربية الاولاد لان المراة اذاي هتدي لاولادها وهي فاقدة الحب والحنان ينقصها الاحتواء والامان من زوجها
بدون هذه المشاعر لن تجد حياة سعيدة
اسال الله ان يمن علينا باسعاد الاخرين وفي المقدمة الزوجة والاولاد
كل الحب والتقدير لكل اسرة .
بابا مصطفي