***الانتخابات *** ديمقراطيه على الطريقه المصريه..**

نفسك تترشح ؟؟؟ إتفضل قول
هاتلاقى الباب مفتوح علطول
هنا حريه ... ديمقراطيه
قوموا شاركونا انت وهى
لاجل تقُوم احزاب حقيقيه
ونوصل للهدف المأمول
زى السحر كلام معسول
بس يا سيدى انا مش مسئول
برا الحزب بتاعى هاتخسر
صندوقك يفضل مقفول
أما احنا الكل يصوت
حتى الميت والمجهول
ولو فكرت تأسس حزب
هاتاكل ضرب يسوى عجول
ولو تعند راح نعلن حرب
وتتحاكم وتشوف الويل
كمان هانحاسبك عن احلامك
وتلاقى ملفك قدامك
مترتب مع الف دليل
إنك خاين ولا مزور ولا عميل
ونطالب برضوا بإعدامك
لاجل ما ترجع لينا ذليل
ولا اقولك .... كلمه هديه
أسس حزبك تحت عنيا
دايماً كده خليك ويانا
وعلى فكرك هانكون اوصيا
علشان يعنى يقولوا إن احنا
احسن شعب يعيش حريه
احسن شعب يعيش حريه
مش كــــــــــــــــــده
ولا إييييييييييييييييييه
بقلمى جمعه محمد[b]